Mysterious death of SI Junmoni Rabha:দ্বিতীয় দিনাও জোনমণি ৰাভাৰ মৃত্যুৰ অনুসন্ধান অব্যাহত চি আই ডিৰ

নগাঁও, 18 মে’ : অসম আৰক্ষীৰ আৰক্ষী উপ-পৰিদৰ্শক জোনমণি ৰাভাৰ মৃত্যুৰ অনুসন্ধান কৰিবলৈ বুধবাৰে নগাঁৱত উপস্থিত হৈছিল চি আই ডিৰ এটা দল । সোমবাৰৰ পৰা অনুসন্ধান আৰম্ভ কৰা চি আই ডি ৰ দলটোৱে দ্বিতীয় দিনাও অনুসন্ধান অব্যাহত ৰাখিছে নগাঁৱত । দ্বিতীয় দিনা নগাঁৱৰ কেইবাগৰাকী আৰক্ষী বিষয়াৰ মন্তব্য গ্ৰহণ কৰিছে চি আই ডিৰ দলটোৱে । নগাঁৱৰ হয়বৰগাঁও আৰক্ষী চকীৰ ভাৰপ্ৰাপ্ত বিষয়া আভাজ্যোতি ৰাভাৰ মন্তব্যও গ্ৰহণ কৰিছে CID ৰ দলটোৱে । নগাঁও আৰক্ষী অতিথিশালাত কেইবাজনো আৰক্ষী বিষয়াৰ মন্তব্য গ্ৰহণ কৰিছে চি আই ডিৰ দলে (Mysterious death of SI Junmoni Rabha) ।

এটি দুৰ্ঘটনাত অকস্মাতে মৃত্যুক সাৱটি লোৱা আৰক্ষী উপ-পৰিদৰ্শক জোনমণি ৰাভাৰ মাতৃয়ে আভাজ্যোতি ৰাভা আৰু নগাঁও সদৰ আৰক্ষী থানাৰ ভাৰপ্ৰাপ্ত বিষয়া মনোজ ৰাজবংশীৰ বিৰুদ্ধে উত্থাপন কৰিছিল কেতবোৰ অভিযোগ । জোনমণি ৰাভাৰ মাতৃয়ে অভিযোগ উত্থাপন কৰাৰ পাচতেই নগাঁও আৰক্ষী অতিথিশালাত CID য়ে আৰম্ভ কৰা অনুসন্ধানত কেইবাগৰাকীও আৰক্ষী বিষয়াৰ মন্তব্য গ্ৰহণ কৰা বুলি জানিব পৰা গৈছে (SI Junmoni Rabha) ।

উল্লেখ্য যে কলিয়াবৰৰ সৰুভগীয়াত সংঘটিত এটা পথ দুৰ্ঘটনাত সোমবাৰে মাজনিশা অকস্মাৎ মৃত্যুক আঁকোৱালি লৈছিল মৰিকলং আৰক্ষী চকীৰ উপ-পৰিদর্শক জোনমণি ৰাভাই । সততে চর্চাত থকা এগৰাকী মহিলা আৰক্ষী বিষয়াৰ আকস্মিক মৃত্যুৱে জোকাৰিছে এতিয়া সমগ্ৰ ৰাজ্য ।

লগতে পঢ়ক : Junmoni Rabha mysterious death: জোনমণি ৰাভাৰ দুৰ্ঘটনাৰ তদন্ত কৰিবলৈ জখলাবন্ধাত অপৰাধ অনুসন্ধান শাখাৰ দল