Children’s Day 2023: উজনি মাজুলী শিল্পকলা বিদ্যালয়ত শিশু দিৱস উদযাপন
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Nov 14, 2023, 9:37 AM IST
![ETV Thumbnail thumbnail](https://etvbharatimages.akamaized.net/etvbharat/prod-images/14-11-2023/640-480-20018007-thumbnail-16x9-uhi.jpg)
মাজুলী, 14 নৱেম্বৰ: আজি দেশৰ প্ৰথম গৰাকী প্ৰধানমন্ত্ৰী জৱাহৰলাল নেহেৰুৰ ওপজা দিন । দেশৰ প্ৰথম গৰাকী প্ৰধানমন্ত্ৰী জৱহৰলাল নেহেৰুৰ জন্মদিনটো দেশখনত পালন কৰা হৈ আহিছে শিশু দিৱস হিচাপে । দেশ তথা ৰাজ্যৰ বিভিন্ন প্ৰান্তৰ সমান্তৰালভাৱে উজনি মাজুলী শিল্পকলা বিদ্যালয়তো উদযাপন কৰা হৈছে শিশু দিৱস ।
শিশু দিৱসৰ লগত সংগতি ৰাখি মাজুলীৰ উজনি মাজুলী শিল্পকলা বিদ্যালয়ৰ উদ্যোগত আৰু অভিভাৱকসকলৰ সহযোগত শিশু দিৱসৰ আয়োজন কৰা হৈছে । প্ৰাকৃতিক পৰিৱেশৰ মাজত "নৈ পৰীয়া লেণ্ডস্কেপ " শীৰ্ষক এক অনুষ্ঠানৰ আয়োজন কৰিছে উদ্যোক্তাসকলে ৷ নদীৰ পাৰত যি সমূহ প্ৰাকৃতিক সম্পদ আছে সেই সম্পদসমূহ শিক্ষাৰ্থীসকলে যাতে ৰং-তুলিকাৰে ধৰি ৰাখিব পাৰে সেই উদ্দেশ্যৰে এই অনুষ্ঠানৰ আয়োজন কৰা হৈছে ৷
এনে এক ব্যতিক্ৰমী পৰিৱেশত, ব্যতিক্ৰমী ৰূপত "শিশু দিৱস" টি উদযাপন কৰিবলৈ পাই সুখী উজনি মাজুলী শিল্পকলা বিদ্যালয়ৰ শিক্ষাৰ্থীৰ লগতে শিক্ষক-শিক্ষয়িত্ৰীসকল যথেষ্ট সুখী অনুভৱ কৰিছে বুলি জানিবলৈ দিয়ে ।