ৰাস চাবলৈ মাজুলীত উপস্থিত মুখ্যমন্ত্ৰী হিমন্ত বিশ্ব শৰ্মা

মাজুলী, 28 নৱেম্বৰ: মাজুলীত ৰাস উপভোগ কৰিবলৈ হেলিকপ্টাৰেৰে সত্ৰনগৰী মাজুলীত উপস্থিত হ’ল ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মা ।গড়মূৰ কছাৰী মৈদানৰ অস্থায়ী হেলিপেডত মংগলবাৰে উপস্থিত হয় মুখ্যমন্ত্ৰী ড৹ হিমন্ত বিশ্ব শৰ্মা । উপস্থিত হোৱাৰ দিনাই দিনৰ ভাগত তিনিটা কাৰ্যসূচীত অসমৰ মুখ্যমন্ত্ৰীগৰাকীয়ে অংশগ্ৰহণ কৰিব বুলি জানিব পৰা গৈছে । 

যোৰহাট-মাজুলী দলং, চেলেক ধুনাগুৰি দলং মুখ্যমন্ত্ৰীগৰাকীয়ে পৰিদৰ্শন কৰিব বুলি জানিব পৰা গৈছে । ইয়াৰ লগতে, নিশা চাৰিখন মঞ্চত ৰাস উপভোগ কৰিব মুখ্যমন্ত্ৰীগৰাকীয়ে । বুধবাৰৰ পুৱাই মাজুলীৰ পৰা গুৱাহাটীলৈ ৰাওনা হ’ব মুখ্যমন্ত্ৰীগৰাকী । 

মাজুলীত উপস্থিত হৈ মাজুলীৰ ভাগিনৰ সকলৰ পৰা আদবাটতে ৰাসৰ বতৰা লোৱাৰ লগতে ভাব বিনিময় কৰে মুখ্যমন্ত্ৰী ড৹ হিমন্ত বিশ্ব শৰ্মাই ।

লগতে পঢ়ক: আবকাৰী মন্ত্ৰী হৈ ৰাইজক মদৰ পৰা দূৰত থাকিবলৈ ক’লে মন্ত্ৰী পৰিমলে