Basistha Dev Sarma: বুঢ়াসত্ৰীয়াৰ চিতা জ্বলিল ফৰহাদ আলীৰ চন্দন কাঠেৰে

বৰপেটা সত্ৰৰ (Barpeta Satra) বুঢ়াসত্ৰীয়া বশিষ্ঠদেৱ শৰ্মাৰ বৈকুণ্ঠগমনৰ বাতৰিয়ে শোকাহত কৰি ৰাখিছে ৰাজ্যবাসীক (Basistha Dev Sarma dies) ৷ সত্ৰীয়া সংস্কৃতিৰ সাধক, ধাৰক তথা বাহকগৰাকীৰ মৃত্যুৰ বাতৰিয়ে ৰাজ্যবাসীক ব্যথিত কৰাৰ সম়য়তে বুঢ়াসত্ৰীয়া বাপজনাই ৰাজ্যবাসীৰ মাজত দি থৈ গৈছে সম্প্ৰীতিৰ মহান বাৰ্তা ৷ সমগ্ৰ জীৱন জাতি-বৰ্ণ-ভাষা-সম্প্ৰদায়ৰ মাজত সদ্ভাৱ তথা সম্প্ৰীতিৰ বাৰ্তা বিলাই ফুৰা বুঢ়াসত্ৰীয়া বাপজনাৰ চিতা জ্বলিল ফৰহাদ আলীয়ে আগবঢ়োৱা চন্দন কাঠেৰে (Basistha Dev Sarma funeral) ৷ বৰপেটাৰ কাজীৰ মিল গাঁৱৰ ফৰহাদ আলী নামৰ যুৱকজনে বুঢ়াসত্ৰীয়া বাপজনাৰ অন্ত্যেষ্টিক্ৰিয়াৰ বাবে আগবঢ়ায় চন্দন কাঠ ৷ নিজৰ বাৰীৰ চন্দন কাঠ এডাল বাপজনাৰ অন্ত্যেষ্টিক্ৰিয়াৰ বাবে আগবঢ়োৱা ফৰহাদ আলীয়ে তেওঁ আগবঢ়োৱা কাঠ গ্ৰহণ কৰাৰ বাবে সত্ৰ সমিতিৰ ওচৰত কৃতজ্ঞতা প্ৰকাশ কৰে ৷