Inauguration of breastfeeding room:মাজুলী জিলা প্ৰশাসনৰ উদ্যোগত স্তনপান কক্ষ মুকলি

মাজুলী, ২ আগষ্ট: মাজুলী জিলা প্ৰশাসনৰ উদ্যোগত দুটাকৈ স্তনপান কক্ষ মুকলি কৰা হৈছে । মঙলবাৰে 'বেটী বচাও বেটী পঢ়াও' আঁচনি আৰু জিলা মহিলা সৱলীকৰণ কেন্দ্ৰৰ অধীনত মাজুলী জিলা মহিলা আৰু শিশু বিকাশ বিভাগৰ দ্বাৰা মাজুলী খণ্ড উন্নয়ন বিষয়া কাৰ্যালয়ত আৰু উজনি মাজুলী খণ্ড উন্নয়ন বিষয়া কাৰ্যালয়ত দুটা স্তনপান কক্ষৰ শুভ উদ্বোধন হয় ।  

মাজুলী খণ্ড উন্নয়ন বিষয়া কাৰ্যালয়ত মাজুলী জিলাৰ সহকাৰী আয়ুক্ত তথা ভাৰপ্ৰাপ্ত জিলা সমাজ কল্যাণ বিষয়া সংগীতা বৰুৱাই আৰু উজনি মাজুলী খণ্ড উন্নয়ন বিষয়া কাৰ্যালয়ত উজনি মাজুলী ৰাজহ চক্ৰ বিষয়া নৱজ্যোতি দাসে কক্ষ দুটি শুভ উদ্বোধন কৰে ।

এই উদ্বোধন অনুষ্ঠানত সহকাৰী আয়ুক্ত নেত্ৰকমল বৰা, মাজুলী খণ্ড উন্নয়ন বিষয়া ৰাজজ্যোতি বৰা, আঞ্চলিক পঞ্চায়তৰ সভানেত্ৰী ৰেখা দলে পেগু, মাজুলী জিলা স্বাস্থ্য বিভাগ, মহিলা আৰু শিশু বিকাশ বিভাগৰ বিষয়া কৰ্মচাৰীৰ লগতে বহু কেইগৰাকী প্ৰসূতি মাতৃ উপস্থিত থাকে । দুটাকৈ স্তনপান কক্ষ মুকলি হোৱাত প্ৰসূতী মাতৃ সকলৰ সন্তানক স্তনপান কৰোৱাত সুবিধা হ'ব বুলি আশা কৰা হৈছে ।

লগতে পঢ়ক:Heatwave in Assam: গুৱাহাটী মহানগৰীত পুনৰ পুৱা ৭-৩০ বজাৰ পৰা হ’ব বিদ্যালয়ৰ পাঠদান