Birth Anniversary of Srimanta Sankardeva:বৰপেটাত চাৰিদিনীয়া কাৰ্যসূচীৰে গুৰুজনাৰ জন্মজয়ন্তী আৰম্ভ

বৰপেটা, ২৩ ছেপ্টেম্বৰঃ বৰপেটাত বজাৰ বন্ধ কৰি ব্যৱসায়ীয়ে পালন কৰিছে শ্ৰীমন্ত শংকৰদেৱৰ জন্মজয়ন্তী ৷ বৰপেটা চহৰৰ মাজমজিয়াত অৱস্থিত বৰবজাৰৰ ব্যৱসায়ীসকলে সকলো দোকান-পোহাৰ বন্ধ কৰি শনিবাৰৰ পৰা চাৰিদিনীয়া কাৰ্যসূচীৰে গুৰুজনাৰ জন্মজয়ন্তী পালন কৰিছে ৷

বৰপেটাৰ বৰবজাৰৰ ব্যৱসায়ীসকলৰ যুৱক সংঘৰ উদ্যোগত পালন কৰা শ্ৰীমন্ত শংকৰদেৱ গুৰুজনাৰ জন্মজয়ন্তী উপলক্ষে শনিবাৰে ব্যৱসায়ী আৰু ব্যৱসায়ীসকলৰ পৰিয়ালৰ সদস্য়ই ভাগৱত ভ্ৰমণ অনুষ্ঠানত অংশ গ্ৰহণ কৰে ৷ এই ভাগৱত ভ্ৰমণ অনুষ্ঠানৰ পিচতে মৎস্য বজাৰত নাম-প্ৰসংগ অনুষ্ঠিত হয় ৷

মৎস্য বজাৰত গুৰুআসন স্থাপন কৰি ব্যৱসায়ীসকলে নাম- প্ৰসংগত অংশগ্ৰহণ কৰে ৷ চাৰিদিনীয়াকৈ অনুষ্ঠিত শ্ৰীমন্ত শংকৰদেৱৰ জন্মজয়ন্তী অহা মঙলবাৰে পালনামৰ আৰ্হিত নাম প্ৰসংগৰে সামৰণি পৰিব ৷  

লগতে পঢ়ক:Mechanized boat in Assam: বঙাইগাঁৱৰ চিকিবিকিগাঁৱত যন্ত্ৰচালিত নাৱেৰে বিপদসংকুল যাত্ৰা শিক্ষাৰ্থীৰ