Thief caught: বাইকৰ লকাৰ ভাঙি থাকোতে হাতে-লোটে ধৰা পৰিল চোৰ, নিশা গণেশগুৰিত উত্তপ্ত পৰিস্থিতি

গুৱাহাটী, ২ ছেপ্টেম্বৰ : মহানগৰীৰ গণেশগুৰিত নিশা উত্তপ্ত পৰিস্থিতি ৷ দেওবাৰে নিশা ৰাইজে কৰায়ত্ত কৰিলে এটা বাইক চোৰ ৷ গণেশগুৰি উৰণ সেতুৰ তলত এখন বাইকৰ লকাৰ ভাঙি থাকোতে হাতে-লোটে ধৰা পৰে চোৰটো ৷ চোৰটোক কৰায়ত্ত কৰাৰ পিচতে লপা-থপা দিয়ে ৰাইজে ৷  ৰাইজে চোৰটোক সোধাই প্ৰচণ্ড ঘোচা আৰু সেই ঘোচাৰ প্ৰত্যুত্তৰ দিবলৈ নাপাহৰিলে চোৰে ৷

ফলত অধিক উত্তেজিত হৈ পৰে উপস্থিত ৰাইজ ৷ পৰৱৰ্তী সময়ত আৰক্ষী আৰু অৰ্ধ-সামৰিক বাহিনীৰৰ লোক উপস্থিত হৈ ৰাইজৰ ৰোষৰ পৰা উদ্ধাৰ কৰি  কৰে চোৰটোক ৷ আনহাতে দেওবাৰে নিশা মহানগৰীৰ ঘোঁৰামৰাতো ৰাইজে খেদি খেদি এটা চিলনী চোৰক কৰায়ত্ত কৰে ৷ এজনে যুৱকে মাকৰ সৈতে ঘোঁৰামৰা চাৰি আলিৰ পৰা ঘৰলৈ গৈ থকাৰ সময়তে এখন দুচকীয়া বাহনত অহা দুৰ্বৃত্তই যুৱকজনৰ পৰা মবাইলটো থপিয়াই লৈ যায় ৷ লগে লগে যুৱকজনে স্থানীয় ৰাইজৰ সহযোগত খেদি খেদি কৰায়ত্ত কৰে চোৰটোক ৷ পিচত বশিষ্ঠ আৰক্ষী উপস্থিত হৈ চিলনী চোৰটোক উদ্ধাৰ কৰি থানালৈ লৈ যায় ৷

লগতে পঢ়ক:Guwahati Honey trapping case : মহানগৰীত হানি ট্ৰেপিঙৰ বলি হ’ল বহিঃৰাজ্যৰ যুৱক !