Bharat Jodo Yatra: সহস্ৰাধিক কংগ্ৰেছ কৰ্মীক লগত লৈ সোণাৰিত ভূপেন বৰাৰ পদযাত্ৰা

ডিব্ৰুগড়, 7 ছেপ্টেম্বৰ: লোকসভা নিৰ্বাচনৰ পূৰ্বে নিজৰ সাংগঠনিক ভেঁটি শক্তিশালী কৰাৰ লক্ষ্যৰে অসম প্ৰদেশ কংগ্ৰেছে চলাইছে ‘বাগানে বাগানে কংগ্ৰেছ’ কাৰ্যসূচী ৷ তিনিচুকীয়া, ডিব্ৰুগড়ৰ পাছত এই সোণাৰিত বাগানে বাগানে কংগ্ৰেছ কাৰ্যসূচী ৷  

বৃহস্পতিবাৰে এসময়ৰ কংগ্ৰেছৰ দূৰ্গ সোণাৰিত সহস্ৰাধিক কংগ্ৰেছ কৰ্মীক লগত লৈ ভূপেন বৰাই ওলিয়ালে পদ যাত্ৰা ৷ ৰাহুল গান্ধীৰ ভাৰত জোড়ো যাত্ৰাৰ এবছৰ বৰ্ষপূৰ্তি উপলক্ষে এই পদযাত্ৰা উলিওৱা হয় ৷ চাহ বাগিচাৰ ভোটাৰক আকৰ্ষণৰ লক্ষ্য কৰি সোণাৰিৰ কাষৰীয়া নাফুক চাহ বাগিচাত কংগ্ৰেছৰ সমাৱেশ অনুষ্ঠিত কৰা হয় ৷ ভূপেন বৰাৰ লগতে জ্যেষ্ঠ কংগেছ নেতা পৱন সিং ঘাটোৱাৰকে ধৰি বহু কংগ্ৰেছ নেতা অনুষ্ঠানত উপস্থিত থাকে ৷  

অনুষ্ঠানত অংশ লৈ ভূপেন বৰাই কয় যে ডাবল ইঞ্জিন চৰকাৰে অসমৰ ৰাইজক অধিক চিন্তাত পেলাইছে এতিয়া ৷ কাৰণ অসমৰ ৰাইজৰ চাৰিওফালে এতিয়া সমস্যাই সমস্যা ৷  

লগতে পঢ়ক: Bharat Jodo Yatra : ভাৰত জোড়ো যাত্ৰাৰ বৰ্ষপূৰ্তি উপলক্ষে নগাঁৱত কংগ্ৰেছৰ পদযাত্ৰা