নগাঁও জিলাৰ ননৈ ভেলাইগাঁৱত ঢেকীয়াপতীয়াৰ আতংক

নগাঁও,৫ জানুৱাৰী : নগাঁও জিলাৰ ননৈ ভেলাইগাঁৱত শুকুৰবাৰে পুৱাৰে পৰা ঢেকীয়াপতীয়াৰ মুক্ত বিচৰণক লৈ আতংকময় পৰিৱেশে বিৰাজ কৰে । পুৱাই ঢেকীয়াপতীয়াটোৱে একপ্ৰকাৰ অঞ্চলটোত সন্ত্ৰাসৰ সৃষ্টি কৰে । ইফালে ঢেকীয়াপতীয়াৰ আক্ৰমণত আদিত্য শইকীয়া নামৰ এজন লোকে প্ৰাণ হেৰুওৱাৰ লগতে সত্য ফুকন নামৰ আন এজন লোক গুৰুতভাৱে আহত হোৱাৰ খবৰ পোৱা গৈছে ।

এই ঘটনাৰ পাচতে গাঁওখনত উত্তেজনাময় পৰিৱেশে বিৰাজ কৰে । কিন্তু ঘটনাৰ খবৰ পোৱাৰ পাছতো বহু পলমকৈ গাঁওখনত বন বিভাগৰ লোক উপস্থিত হোৱাৰো অভিযোগ উত্থাপন কৰিছে বিভিন্নজনে । যাৰ বাবে ৰাইজে বন বিভাগক সমালোচনাও কৰিছে । অৱশ্যে বন বিভাগৰ লোকসকলে সম্প্ৰতি ঢেকীয়াপতীয়াটোক পিঞ্জৰাবদ্ধ কৰিবলৈ চেষ্টা অব্যাহত ৰাখিছে । 

লগতে পঢ়ক :উচ্ছেদৰ পিছত বুঢ়াচাপৰি, লাওখোৱা অভয়াৰণ্যলৈ আগমন দুটাকৈ গঁড়ৰ