Sensational incident in Nagaon : নগাঁৱত কলেজীয়া ছাত্ৰীক অপহৰণৰ চেষ্টা ই-ৰিক্সা চালকৰ

নগাঁও, 6 অক্টোবৰ : নগাঁৱত চাঞ্চল্যকৰ ঘটনা ৷ কলেজীয়া ছাত্ৰীৰ মুখত চেতনানাশক দ্ৰব্য ছটিয়াই অপহৰণৰ চেষ্টা ই-ৰিক্সা চালকৰ ৷ নগাঁও ছোৱালী মহাবিদ্যালয়ৰ ছাত্ৰী গৰাকীয়ে ঘৰ অভিমুখে ই-ৰিক্সাত উঠি গৈ থাকোতেই সংঘটিত হয় এই চাঞ্চল্যকৰ ঘটনা ৷

জানিব পৰা মতে ছাত্ৰীগৰাকী উঠি যোৱা ই-ৰিক্সাখনৰ চালক আৰু তেওঁৰ এজন সহযোগীয়ে সংঘটিত কৰে এই ঘটনা ৷ নগাঁও চহৰৰ নেহৰুবালিৰ সন্মুখৰ পথটো নিজান হৈ থকাৰ সুযোগ লৈ ই-ৰিক্সা চালক আৰু তেওঁৰ সহযোগীয়ে ছাত্ৰীগৰাকীৰ মুখত চেতনানাশক দ্ৰব্য ছটিয়াই দিয়ে ৷  

কিন্তু ছাত্ৰীগৰাকীয়ে ক্ষীপ্ৰতাৰে ই-ৰিক্সাখনৰ পৰা জঁপিয়াই দিয়াত পলায়ন কৰে দুয়োটা অভিযুক্তই ৷ পৰৱৰ্তী সময়ত আৰক্ষীয়ে ছাত্ৰীগৰাকীক উদ্ধাৰ কৰি স্বাস্থ্য পৰীক্ষাৰ বাবে নগাঁও অসামৰিক চিকিৎসালয়ত ভৰ্ত্তি কৰে ৷ 

লগতে পঢ়ক : Robbery in Nagaon: অকলশৰীয়া মহিলাৰ বাসগৃহত ডকাইতিকাণ্ড