Crime in Nagaon: এ টি এমত অচিনাক্ত যুৱকৰ সহায় লৈ সৰ্বস্বান্ত হ’ল শিক্ষক

নগাঁও , ২৪ এপ্রিল : নগাঁও চহৰৰ মাজমজিয়াৰ পৰা প্ৰৱঞ্চনাৰে এগৰাকী অৱসৰপ্ৰাপ্ত শিক্ষকৰ এ টি এমৰে ধন উলিয়াই নিয়া ঘটনাই সৃষ্টি কৰিছে ব্যাপক চাঞ্চল্যৰ (ATM fraud in Nagaon) । সোমবাৰে বিয়লি নগাঁৱৰ বেচামাৰীৰ অৱসৰপ্ৰাপ্ত শিক্ষক আব্দুল কাদিৰ ধন উলিয়াবলৈ উপস্থিত হৈছিল নগাঁও চহৰৰ হয়বৰগাঁৱৰ এ টি এমত ।

এ টি এমৰ পৰা ধন উলিয়াবলৈ লোৱাৰ সময়তে উক্ত এ টি এমত উপস্থিত হয় এটা প্ৰৱঞ্চ । এ টি এমৰ পৰা ধন উলিওৱাত অৱসৰপ্ৰাপ্ত শিক্ষকগৰাকী কিছু অসুবিধাৰ সন্মুখীন হোৱাৰ সুযোগ লৈয়েই আব্দুল কাদিৰক সহায় কৰিবলৈ আগবাঢ়ি যায় প্ৰৱঞ্চকটো । আব্দুল কাদিৰক আন এটা এ টি এম কেন্দ্ৰলৈ নিজৰ বাইকত তুলি নিয়ে প্ৰৱঞ্চকটোৱে । বাইকৰ পৰা নমাৰ সময়তেই আব্দুল কাদিৰৰ এ টি এমৰ পাছৱাৰ্ড সুধি লয় প্ৰৱঞ্চকটোৱে ।  

এ টি এমৰ পাছৱৰ্ড কোৱাৰ লগে লগে এ টি এম কাৰ্ডখন লৈ উধাও হয় প্ৰৱঞ্চকটো (Crime in Nagaon Town) । এ টি এম কাৰ্ড লৈ যোৱাৰ কিছু সময় পিচতেই এ টি এমৰ পৰা ২০ হাজাৰ টকাও উলিয়াই নিয়ে প্ৰৱঞ্চকটোৱে । বেচামাৰী বজাৰত থকা অৱসৰপ্ৰাপ্ত শিক্ষকজনৰ দোকানৰ কাপোৰ কিনাৰ লগতে দুগৰাকী ৰোগীৰ চিকিৎসাৰ বাবে আহিছিল নগাঁৱলৈ । কিন্তু প্ৰৱঞ্চনাৰ বলি হৈ একাউণ্টত থকা সম্পূৰ্ণ ধন হেৰুৱাই হাহাকাৰ কৰি ফুৰিছে অৱসৰপ্ৰাপ্ত শিক্ষক আব্দুল কাদিৰে । ঘটনা সন্দৰ্ভত হয়বৰগাঁও আৰক্ষী চকীত এজাহাৰ দাখিল কৰিছে অৱসৰপ্ৰাপ্ত শিক্ষকগৰাকীয়ে । 

লগতে পঢ়ক:Pravin Togadia controversial statement: মুছলমানৰ জনসংখ্যা বৃদ্ধি এটা টাইম বোমাৰ সংকেতৰ দৰে; টোগাৰীয়া