Youth Death: বহিঃৰাজ্যত ৰহস্যজনক মৃত্যু নাৰায়ণপুৰৰ যুৱকৰ

বিহপুৰীয়া, 4 জুলাই : পুনৰ বহিঃৰাজ্যত ৰহস্যজনক মৃত্যু অসমৰ যুৱকৰ । লখিমপুৰ জিলাৰ নাৰায়ণপুৰৰ শিমলুগুৰি আৰক্ষী চকীৰ অন্তৰ্গত তিনি নং নিমুৰী গাঁৱৰ এজন যুৱকৰ বাংগালুৰুত ৰহস্যজনকভাৱে মৃত্যু হোৱা ঘটনাই তীব্ৰ চাঞ্চল্যৰ সৃষ্টি কৰিছে ৷ বগামল গগৈ আৰু ফুলমাই গগৈৰ একমাত্ৰ পুত্ৰ কোষেশ্বৰ গগৈ নামৰ যুৱকজন বেংগালুৰুৰ এটা কোম্পানীত কৰ্মৰত আছিল। নিজ ফ্লেটত ডিঙিত চিপ লৈ থকা অৱস্থাত উদ্ধাৰ হয় যুৱকজন ৷ 

ইফালে পৰিয়ালৰ লোকে কোষেশ্বৰৰ মৃত্যুক সহজভাৱে ল'ব পৰা নাই ৷ পৰিয়ালে সন্দেহ প্ৰকাশ কৰে যে যুৱকজনক কোনোবাই হত্যা কৰি ওলোমাই থৈছিল। যুৱকজনৰ শৰীৰত তেজৰ দাগ স্পষ্ট হৈ আছিল বুলি পৰিয়ালৰ লোকে জানিবলৈ দিয়ে ৷ 

এতিয়া যুৱকজনৰ ৰহস্যজনক মৃত্যুৰ উচিত তদন্ত বিচাৰিছে দুৰ্ভগীয়া পৰিয়ালটিৰ লগতে স্থানীয় ৰাইজে । ইফালে যুৱকজনৰ মৃতদেহ ঘৰলৈ অনাৰ ক্ষেত্ৰত যথেষ্ট সমস্যাৰ সন্মুখীন হৈছে দুৰ্ভগীয়া পৰিয়ালটো । এই ক্ষেত্ৰত অসম চৰকাৰৰ সহায় বিচাৰি মুখ্যমন্ত্ৰী ড৹ হিমন্ত বিশ্ব শৰ্মালৈ কাতৰ আহ্বান জনাইছে দুৰ্ভগীয়া পৰিয়ালটোৱে ৷

লগতে পঢ়ক:  জঘন্য! মুকবধিৰ মাতৃ আৰু কন্যাক ধৰ্ষণ কৰি যৌনাংগত ঢালিলে জলকীয়াৰ গুড়ি