HSLC question paper leak: লোহিত খাৱলীত প্ৰণৱ দত্তৰ ভাৰাঘৰত উদ্ধাৰ প্ৰশ্নকাকতৰ বাণ্ডিল

মাজুলী, 20 মাৰ্চ: অব্যাহত আছে হাইস্কুল শিক্ষান্ত পৰীক্ষাৰ প্ৰশ্নকাকত ফাদিল ঘটনাৰ তদন্ত (HSLC question paper leak) ৷ সোমবাৰে পুনৰ লখিমপুৰৰ লোহিত খাৱলীত (Lohit Khaboli High School) উপস্থিত হ’ল এটা CIDৰ দল ৷ প্ৰণৱ দত্তই ভাৰাতীয়া হিচাবে থকা অবৰাম পেগুৰ গৃহত উপস্থিত হয় CIDৰ দলটো ৷ 

অভিযানত CIDয়ে উদ্ধাৰ কৰে প্ৰশ্নকাকত এটা চেট ৷ পূৰ্বে তিনিবাৰ অবৰাম পেগুৰ বাসগৃহত CIDয়ে চলাইছিল অভিযান (Assam SEBA question paper leak) ৷ অবৰাম পেগুৰ ভাৰাঘৰতে প্ৰশ্নকাকত জ্বলাইছিল প্ৰণৱ দত্তই ৷  পৰীক্ষা কেন্দ্ৰলৈ অহা প্ৰশ্নকাকত থানাত ৰখাৰ সময়তে প্ৰশ্নকাকতৰ দুটা চেট নিজৰ লগত ৰাখি থৈছিল প্ৰণৱ দত্তই ৷ প্ৰণৱ দত্তৰ বিৰুদ্ধে উত্থাপন হৈছে পূৰ্বেও প্ৰশ্নকাকত ফাদিল কৰাৰ অভিযোগ ৷

ইফালে, দুদিন পূৰ্বে এটা 8 জনীয়া CIDৰ দল উপস্থিত হৈছিল বিদ্যালয়খনত ৷ প্ৰশ্নকাকত ফাদিলকাণ্ডৰ মাষ্টাৰমাইণ্ড আছিল লুহিত খাৱলী উচ্চ মাধ্যমিক বিদ্যালয়ৰ অধ্যক্ষ প্ৰণৱ দত্ত(HSLC paper leak case prime accused) ৷  

লগতে পঢ়ক: HSLC question paper leak : প্ৰশ্নকাকত ফাদিলৰ তিনি মাষ্টাৰ মাইণ্ডক CID ৰ জিন্মালৈ প্ৰেৰণ