Girl missing: ছাত্ৰীৰ নিৰুদ্দেশক লৈ দুলীয়াজানত চাঞ্চল্য, লাভ জেহাদৰ অভিযোগ পৰিয়ালৰ

ডিব্ৰুগড়ৰ জিলাৰ দুলীয়াজানত এগৰাকী ছাত্ৰী নিৰুদ্দেশ হোৱাৰ ঘটনাই সৃষ্টি কৰিছে চাঞ্চল্যৰ (Girl missing in Duliajan) । দুলীয়াজানৰ দৈনিক বজাৰ অঞ্চলৰ আগৰৱালা উপাধিৰ এগৰাকী ব্যৱসায়ীৰ একাদশ শ্ৰেণীত অধ্যয়নৰত কন্যাগৰাকী যোৱা ৩১ ডিচেম্বৰৰ সন্ধিয়াৰে পৰা সন্ধানহীন হৈ আছে । এই সন্দৰ্ভত ইতিমধ্যে দুলীয়াজান থানাত গোচৰ দাখিল কৰিছে ছাত্ৰীগৰাকীৰ পিতৃ-মাতৃয়ে (Duliajan Girl missing case) ৷ তেওঁলোকে অভিযোগ কৰা মতে, তেওঁলোকৰ বিপণিত ঠেলা চালক হিচাপে কৰ্মৰত বৰপেটাৰ কলগাছিয়া অঞ্চলৰ জাহিদুৰ আলি নামৰ বিবাহিত লোকজনে অপহৰণ কৰিছে ছাত্ৰীগৰাকীক ৷ দীৰ্ঘদিনৰ পৰা দুলীয়াজানত থকা জাহিদুৰে প্ৰলোভনেৰে প্ৰেমৰ জালত পেলাই ছাত্ৰীগৰাকীক লৈ যোৱা বুলি পিতৃ-মাতৃয়ে আৰক্ষীক অভিযোগ দিছে (Girl kidnapping case in Dibrugarh) ৷ ছাত্ৰীগৰাকী নিৰুদ্দিষ্ট হোৱা দিন ধৰি জাহিদুৰৰো কোনো শুংসূত্ৰ নোহোৱা হয় ৷ বন্ধ হৈ আছে দুয়োৰে ম’ববাইল ফোন ৷ দুলীয়াজান আৰক্ষীয়ে ঘটনা সন্দৰ্ভত অভিযান অব্যাহত ৰাখিছে যদিও বৰ্তমানলৈকে কোনো ধৰণৰ তথ্য লাভ কৰা নাই ৷ এই ঘটনা সন্দৰ্ভত টুইটাৰযোগে মুখ্যমন্ত্ৰীয়েও ডিব্ৰুগড় আৰক্ষীক কঠোৰ ব্যৱস্থা গ্ৰহণৰ নিৰ্দেশ দিয়ে ৷ এই ঘটনাক বহুতে লাভ জেহাদৰ ৰূপ দিব খুজিছে যদিও ছাত্ৰীগৰাকীক উদ্ধাৰৰ পাচতহে জানিব পৰা যাব ঘটনাৰ প্ৰকৃত সত্য ৷