Bajrang Dal Arms Training:বিদ্যালয়ত বজৰং দলে অস্ত্ৰ প্ৰশিক্ষণ দিয়া সন্দৰ্ভত সদনত‌ মুখ্যমন্ত্ৰীৰ স্পষ্টীকৰণ

গুৱাহাটী, 11 ছেপ্টেম্বৰ : ‘বজৰং দলৰে বিজেপিৰ কোনো সম্পৰ্ক নাই’- সোমবাৰে বিধানসভাত মুখ্যমন্ত্ৰী হিমন্ত বিশ্ব শৰ্মাই এ আই ইউ ডি এফৰ বিধায়ক আমিনুল‌ ইছলামৰ এক প্ৰশ্নৰ উত্তৰত এই কথা সদৰী কৰে ।‌

মুখ্যমন্ত্ৰীয়ে কয় -‘আৰ এছ এছৰ লগতো সম্পৰ্ক নাই বজৰং দলৰ । বজৰং দলৰ সদস্যই মাৰণাস্ত্ৰ ব্যৱহাৰৰো তথ্য নাই । ধৰ্মৰ নামত উন্মাদনা কৰা কোনো শক্তিকে প্ৰশ্ৰয় দিয়া উচিত নহয় । জেহাদী কাৰ্যকলাপেৰে মঙলদৈৰ ঘটনাৰ কোনো সম্পৰ্ক নাই । তথ্য পালে গ্ৰহণ কৰা হ’ব আইন অনুসৰি ব্যৱস্থা’ । বজৰংগ দলৰ অস্ত্ৰ প্ৰশিক্ষণ সন্দৰ্ভত বিধানসভাত মুখ্যমন্ত্ৰীয়ে এই মন্তব্য কৰে ।

উল্লেখ্য যে এমাহ পূৰ্বে মঙলদৈৰ এখন বিদ্যালয়ত বজৰং দলে অস্ত্ৰ প্ৰশিক্ষণ দিয়াৰ অভিযোগ তুলি বিভিন্ন দল সংগঠন সৰৱ‌ হৈ পৰিছিল । ঘটনা সন্দৰ্ভত পিচত আৰক্ষীয়ে বজৰং দলৰ অস্ত্ৰ প্ৰশিক্ষণ দিয়া মহৰ্ষি বিদ্যা মন্দিৰৰ শিক্ষক-শিক্ষয়িত্ৰী, কৰ্মচাৰীক গ্ৰেপ্তাৰ কৰিছিল । এই ঘটনাৰ মূল অভিযুক্ত অভিজিৎ ঘোষকো আৰক্ষীয়ে গ্ৰেপ্তাৰ কৰিছিল ।

লগতে পঢ়ক : Akhil Gogoi letter to CM: মঙলদৈৰ বিদ্যালয়ত অস্ত্ৰ চালনাৰ প্ৰশিক্ষণক লৈ মুখ্যমন্ত্ৰীক ১০ টা প্ৰশ্ন অখিলৰ