APCC President Bhupen Borah: মৃণাল শইকীয়াই নিজেই টিকট পায় নে নাপায় ঠিক নাই; ভূপেন বৰা

ডিব্ৰুগড়, 26 আগষ্ট: 2024 ৰ লোকসভা নিৰ্বাচনত অসমত মুঠ 14খন আসনৰ ভিতৰত 9খন লাভ কৰিব কংগ্ৰেছে ৷ এই দাবী অসম কংগ্ৰেছৰ ৷ প্ৰদেশ কংগ্ৰেছৰ সভাপতি ভূপেন বৰাৰ এই দাবীক প্ৰত্যাহ্বান জনাই, কংগ্ৰেছে অসমত 9খন লোকসভা আসন লাভ কৰিলে, পদত্যাগ কৰাৰ কথা ঘোষণা কৰিছে খুমটাই সমষ্টিৰ বিজেপি বিধায়ক মৃণাল শইকীয়াই ৷ ইতিমধ্যেই সংবাদ মাধ্যমলৈ পদত্যাগ কৰাৰ কথা ঘোষণা কৰি প্ৰেৰণ কৰিছে এখন পত্ৰ ৷

বিধায়ক শইকীয়াৰ এই পত্ৰৰ পাছতে প্ৰতিক্ৰিয়া প্ৰকাশ কৰিছে প্ৰদেশ কংগ্ৰেছৰ সভাপতি ভূপেন বৰাই ৷ বৰাৰ মন্তব্য, ‘‘মৃণাল শইকীয়াই নিজেই টিকট পায় নে নাপায় ঠিক নাই ৷ মৃণাল শইকীয়াৰ কথাৰ উত্তৰ দিবলগীয়া নাই ৷ মুখ্যমন্ত্ৰীয়ে সুধিলেহে উত্তৰ দিম ৷’’

উল্লেখ্য যে কংগ্ৰেছে 9খন আসন লাভ কৰিলে পদত্যাগ কৰিম বুলি মৃণাল শইকীয়াই কৰা ঘোষণাক লিখিত আকাৰে দিয়াৰ প্ৰত্যাহ্বান জনাইছিল ভূপেন বৰাই ৷ ইয়াৰ পাচতেই প্ৰত্যাহ্বান গ্ৰহণ কৰি শনিবাৰে সংবাদ মাধ্যমলৈ পত্ৰ প্ৰেৰণ কৰে মৃণাল শইকীয়াই ৷

লগতে পঢ়ক: MLA Mrinal Saikia: কিয় পদত্যাগ কৰিব খুমটাইৰ বিধায়ক মৃণাল শইকীয়াই ?