Anundoram Borooah Award 2022: কোকৰাঝাৰত ৩২৫ গৰাকী শিক্ষাৰ্থীক আনন্দৰাম বৰুৱা বঁটা প্ৰদান

সমগ্ৰ ৰাজ্যৰ লগতে কোকৰাঝাৰ জিলাখনতো হাইস্কুল শিক্ষান্ত পৰীক্ষাত সুখ্যাতিৰে ৭৫ শতাংশ নম্বৰ লাভ কৰি উত্তীৰ্ণ হোৱা কৃতী শিক্ষাৰ্থীক বুধবাৰে আনন্দৰাম বৰুৱা বঁটা (Anundoram Borooah Award 2022) প্ৰদান কৰা হয় ৷ কোকৰাঝাৰ চহৰৰ বিজ্ঞান মহাবিদ্যালয়ৰ নীলকমল ব্ৰহ্ম সোঁৱৰণী প্ৰেক্ষাগৃহত এক আড়ম্বৰপূৰ্ণ অনুষ্ঠানযোগে জিলাখনৰ ৩২৫ গৰাকী শিক্ষাৰ্থীক ১৬ হেজাৰ টকাৰ DBT পত্ৰৰে এই বঁটা প্ৰদান কৰে বিটিআৰ প্ৰধান প্ৰমোদ বড়োই (Anundoram Borooah Award 2022 ceremony held) ৷ কোকৰাঝাৰ জিলা উপাযুক্ত বৰ্ণালী ডেকাই আদৰণি ভাষণৰে অনুষ্ঠিত কৰা বঁটা বিতৰণী অনুষ্ঠানত বিধায়ক লৰেন্স ইছলাৰী, কাৰ্যবাহী সদস্য উকীল মুছাহাৰী, ৰেওৰেৱা নাৰ্জিহাৰী, পাৰিষদ মাধৱ ছেত্ৰী আৰু বিটিআৰৰ শিক্ষা সঞ্চালক জগদীশ প্ৰসাদ ব্ৰহ্ম উপস্থিত থাকে ৷