লখিমপুৰত চুতীয়া ছাত্র সন্থাৰ উদ্যোগত এম্বুলেন্স সেৱা মুকলি

লখিমপুৰ, ১৬ জানুৱাৰী: সদৌ অসম চুতীয়া ছাত্র সন্থাৰ উদ্যোগত লখিমপুৰত আজি মুকলি কৰা হয় এম্বুলেন্স সেৱা । সদৌ অসম চুতীয়া ছাত্র সন্থাৰ উদ্যোগত আৰু লখিমপুৰ জিলা সমিতিৰ সহযোগত মঙলবাৰে এই এম্বুলেন্স সেৱা ৰাইজৰ সেৱাৰ বাবে মুকলি কৰা হয় । জিলা চুতীয়া ছাত্র সন্থাৰ কাৰ্যালয় প্ৰাংগণত আনুষ্ঠানিকভাৱে এই সেৱা আৰম্ভ কৰা হয় । এই উপলক্ষে আয়োজিত অনুষ্ঠানটোত বন্তি প্ৰজ্বলন কৰে জিলা সমিতিৰ উপদেষ্টা দ্বিপেন বৰাই । আনহাতে, এম্বুলেন্স সেৱা মুকলি কৰে চুতীয়া ছাত্র সন্থাৰ কেন্দ্রীয় সমিতিৰ সম্পাদক ৰাজু চুতীয়াই ।  

উক্ত অনুষ্ঠানটোত কোচ ৰাজবংশী ছাত্র সন্থাৰ দীপক কোচ, কৈৱৰ্ত ছাত্র সন্থাৰ গৌৰিশংকৰ দাসৰ লগতে যুগল হাজৰিকা, অজিৎ বুঢ়াগোঁহাই, জয়ন্ত হাজৰিকা আদিয়ে অংশগ্রহণ কৰে ।

লগতে পঢ়ক:চাৰিলেনযুক্ত ঘাইপথ নিৰ্মাণত ক্ষতি হ’বলগীয়া ভূমি-সম্পত্তিৰ পৰিদৰ্শন বিভাগীয় কৰ্তৃপক্ষৰ