Accused escaped: আৰক্ষীৰ চকুৰ সন্মুখৰ পৰাই দৌৰি পলাল অপৰাধী

বাক্সা, ২৭ এপ্ৰিল: হায় আৰক্ষী ! নিৰাপত্তাৰক্ষী জোৱানৰ চকুৰ সন্মুখতেই দৌৰি পলাল অপৰাধী (Accused escaped from police custody) ৷ এই চাঞ্চল্যকৰ ঘটনা সংঘটিত হৈছে বাক্সাৰ মুছলপুৰত ৷ জিলাখনৰ মুছলপুৰত থকা ডাঃ ৰবি বড়ো অসামৰিক চিকিৎসালয়লৈ স্বাস্থ্য পৰীক্ষা কৰিবলৈ অনাৰ সময়তে পলায়ন কৰে অভিযুক্তগৰাকীয়ে ৷ 

উল্লেখ্য যে, বুধবাৰে নিশা জিলাখনৰ বাঁহবাৰী আৰক্ষীয়ে মানাহৰ দাঁতিকাষৰীয়া মানাস হোম ষ্টে নামৰ এখন ল'জখনত অভিযানত চলাই নাৰীদেহ ব্যৱসায়ী চক্ৰৰ লগত জড়িত দুগৰাকী যুৱতীক আটক কৰিছিল (Accused escaped from police custody at Mushalpur)৷ তাৰ পিচতেই বৃহস্পতিবাৰে যুৱতী দুগৰাকীক আৰক্ষীয়ে স্বাস্থ্য পৰীক্ষাৰ বাবে মুছলপুৰস্থিত ডাঃ ৰবি বড়ো অসামৰিক চিকিৎসায়লৈ অনাৰ সময়তে আৰক্ষীৰ জিম্মাৰ পৰা এগৰাকী যুৱতীয়ে পলায়ন কৰে ৷  

লগতে পঢ়ক:  Video clip going viral: 500 টকাত সন্তুষ্ট নহয়, বেছিকৈ মুখ মেলি কোৱাৰি ফাটিল অ’চি ছাৰৰ

প্ৰনিধানযোগ্য যে, অভিযুক্ত যুৱতী দুগৰাকীক এগৰাকী মহিলা হোমগাৰ্ডৰ হাতত এৰি থৈ গৈছিল ৷ যাৰ ফলত পৰিস্মিতা দাস নামৰ অভিযুক্তগৰাকীয়ে পলায়ন কৰিবলৈ সক্ষম হয় ৷ ইতিমধ্যে পলাতক অভিযুক্ত যুৱতীগৰাকীৰ সন্ধানত আৰক্ষীয়ে অভিযান আৰম্ভ কৰিছে যদিও এই পৰ্যন্ত আৰক্ষীয়ে কোনো সন্ধান পোৱা নাই ৷