Hajo Ghy Road Block : প্ৰকাণ্ড গছ বাগৰি ব্যাহত হাজো গুৱাহাটী পথ, নিৰ্লিপ্ত ভূমিকাত প্ৰশাসন

কামৰূপ, 19 জুন : ব্যস্ত এটি পথত প্ৰকাণ্ড এডাল গছ বাগৰি পৰাৰ পিচতে হাহাকাৰ পৰিস্থিতিৰ সন্মুখীন হয় যাত্ৰীসকল ৷ গুৱাহাটী হাজো সংযোগী ব্যস্ত ৰাজপথটোত বাগৰি পৰিল এডাল প্ৰকাণ্ড গছ । ইয়াৰ পিচতে অভাৱনীয় পৰিস্থিতিয়ে দেখা দিয়ে পথটোত ৷

উল্লেখ্য যে, সমগ্ৰ ৰাজ্যৰ লগতে গুৱাহাটী মহানগৰীটো অব্যাহত আছে ধাৰাষাৰ‌ বৰষুণ ৷ এই বৰষুণৰ ফলতে সোমবাৰে এজোপা গছ ভাগি ৰাজপথত বাগৰি পৰে যাৰবাবে যাতায়ত সম্পূৰ্ণৰূপে বন্ধ হৈ পৰিছে হাজো-গুৱাহাটী মূল পথটিৰে  ৷ ইয়াৰ ফলত অভাৱনীয় যানজঁটৰ সৃষ্টি হোৱা পৰিলক্ষিত হৈছে পথটিত ৷ পুৱাৰে পৰা কেইবাশ সৰু-ডাঙৰ গাড়ীৰ দীঘলীয়া শাৰীৰে ব্যস্ত পথটোত তীব্ৰ যান-জঁটৰ সৃষ্টি হৈছে যদিও বাতৰি লিখাৰ পৰলৈকে উপস্থিত হোৱা নাই বন বিভাগ অথবা লোকনিৰ্মাণ বিভাগৰ লোক । যি কথাই ক্ষোভিত কৰি তুলিছে আৱদ্ধ লোকসকলক ৷

আনফালে, ধাৰাষাৰ‌ বৰষুণ অব্যাহত থকাৰ ফলত পথত আৱদ্ধ যাত্ৰীৰ মাজত হাহাকাৰ পৰিৱেশৰ সৃষ্টি হৈছে ।

লগতে পঢ়ক : Flood at Manikpur : মাণিকপুৰত বানৰ বিভীষিকা, নিৰ্বিকাৰ জিলা প্ৰশাসন