Samguri News: চামগুৰিৰ নামা-পাঘালিত বোমাৰ আতংক

চামগুৰি,5 অক্টোবৰ: চামগুৰিত চাঞ্চল্যকৰ ঘটনা ৷  নিশা চামগুৰিৰ নামা-পাঘালিত সৃষ্টি হয় বোমা আতংক । পথৰ দাঁতিত সন্দেহজনকভাৱে ৰাখি থোৱা অৱস্থাত উদ্ধাৰ কৰে 8 টাকৈ বোমা সদৃশ গোলা । যাক লৈ অঞ্চলটোত সৃষ্টি হয় হুৱাদুৱাৰ পৰিৱেশ ৷

গোপন সুত্ৰৰ পম খেদি অঞ্চলটোত চামগুৰি আৰক্ষীয়ে নিশা চলোৱা অভিযানত উদ্ধাৰ হয় গোলাকেইটা । উল্লেখ্য যে পৰৱৰ্তী সময়ত ঘটনাস্থলীত আৰক্ষীয়ে উপস্থিত হৈ উদ্ধাৰ কৰে বোমা সদৃশ গোলাকেইটা ৷

আৰক্ষীৰ প্ৰাৰম্ভিক অনুসন্ধানত গোলা কেইটা হস্তনিৰ্মিত বোমা হোৱাৰ সন্দেহ কৰিছে । ইতিমধ্যে সুৰক্ষিত স্থানত ৰখা হৈছে গোলাকেইটা । ইফালে বোমা বিশেষজ্ঞৰ উপস্থিতিতহে পোহৰলৈ আহিব ইয়াৰ প্ৰকৃত ৰহস্য । ঘটনাৰ সন্দৰ্ভত চামগুৰি আৰক্ষীয়ে ৰুজু কৰিছে 292/23 নম্বৰত নিজাববীয়া গোচৰ । অব্যাহত ৰাখিছে তদন্ত । 

লগতে পঢ়ক:Nagaon Tense: নগাঁৱত মুকলিকৈ চলিছে ভুৱা দলিলৰ ৰমৰমীয়া বেহা; প্ৰৱঞ্চনাৰ চিকাৰ অধিবক্তা