Road Accident in Tinsukia : ফিল'বাৰীত পথ দুৰ্ঘটনা, থিতাতে নিহত 7 বছৰীয়া শিশু

তিনিচুকীয়া, 4 অক্টোবৰ : বুধবাৰে সন্ধিয়া তিনিচুকীয়া জিলাৰ ফিল'বাৰী আৰক্ষী থানাৰ চাৰিআলিত এক ভয়ানক পথ দুৰ্ঘটনা সংঘটিত হয় ৷ কেঁচা চাহপাত কঢ়িওৱা এখন বলেৰ' পিকআপ বাহনে খুন্দা মৰাৰ ফলত থিতাতে নিহত হয় এটি 7 বছৰীয়া শিশু ৷ দুৰ্ঘটনাটো সংঘটিত কৰা বাহনখনৰ নম্বৰ AS23 CC5698 আৰু নিহত শিশুটি ফিল'বাৰী বৰগাঁৱৰ অমৃত শইকীয়াৰ একমাত্ৰ পুত্ৰ তন্ময় শইকীয়া ৷ ইফালে আৰক্ষী থানাৰ সন্মুখতে দুৰ্ঘটনা সংঘটিত হোৱাক লৈ উত্তেজিত হৈ পৰে স্থানীয় ৰাইজ ৷ পৰৱৰ্তী সময়ত উক্ত স্থানত ফিল’বাৰীৰ আৰক্ষী উপস্থিত হৈ পৰিস্থিতি নিয়ন্ত্ৰণ কৰাৰ লগতে দুৰ্ঘটনা সংঘটিত কৰা বলেৰ’ পিক আপ বাহনখন জব্দ কৰি গাড়ী চালকজনকো আটক কৰে ৷ সম্প্ৰতি ফিল’বাৰী আৰক্ষীয়ে দুৰ্ঘটনাটোৰ সন্দৰ্ভত তদন্ত আৰম্ভ কৰিছে ৷ ইফালে দুৰ্ঘটনা সংঘটিত কৰা গাড়ীখন ফিল'বাৰী চিকৰাজানৰ ধীৰাজ বুঢ়াগোহাঁইৰ বুলি চিহ্নিত কৰিছে আৰক্ষীয়ে ৷

লগতে পঢ়ক: Money Loot at Digboi: অসুৰক্ষিত ডিগবৈ ! ভৰ দুপৰীয়াতে দুৰ্বৃত্তই থপিয়াই নিলে টকাৰ বেগ