Aniruddha Dev birth anniversary: টীয়কত ৪৭১ সংখ্যক অনিৰুদ্ধ দেৱৰ জন্ম জয়ন্তী উদযাপন

টীয়ক,১৩ মে': আজি ৪৭১ সংখ্যক শ্ৰী শ্ৰী অনিৰুদ্ধ দেৱৰ জন্মজয়ন্তী । সমগ্ৰ ৰাজ্যৰ মায়াময় সম্প্ৰদায়ৰ লোকসকলে শনিবাৰে উলহ মালহে উদযাপন কৰিছে আদ্যগুৰু অনিৰুদ্ধ দেৱৰ জন্মজয়ন্তী । টীয়কৰ তেলীয়া গাঁৱৰ ৰাইজেও দিনযোৰা কাৰ্যসূচীৰে গুৰুজনাৰ জন্মজয়ন্তীভাগ উদযাপন কৰে(471st Aniruddha Dev birth anniversary celebrated in Teok) ।  

পুৱা ধৰ্মধ্বজা উত্তোলন, বন্তি প্ৰজ্বলন আদি কাৰ্যসূচী সমাপন কৰাৰ পাছত ৰাইজে টীয়ক নগৰৰ মাজেদি এক সাংস্কৃতিক শোভাযাত্ৰা বাহিৰ কৰে । উক্ত শোভাযাত্ৰাত গায়ন-বায়ন,নাম প্ৰসংগৰ লগতে অসমীয়াৰ বাৰেৰহনীয়া কৃষ্টি প্ৰদৰ্শন কৰি সকলোকে মোহিত কৰে(Aniruddha Dev birth anniversary) । ইফালে এই শোভাযাত্ৰাৰ পাছতে নামঘৰ প্ৰাঙ্গণত এখনি ধৰ্মীয় আলোচনা সভা অনুষ্ঠিত কৰাৰ লগতে ৰাতিলৈ এখনি ভাওনা প্ৰদৰ্শনৰো ব্যৱস্থা কৰিছে বুলি উদ্যোক্তাসকলে জানিবলৈ দিছে ।  

লগতে পঢ়ক: Karnataka poll updates: কৰ্ণাটকৰ পৰাই কংগ্ৰেছৰ জয়যাত্রা আৰম্ভ হ'ব; দেৱব্ৰত শইকীয়া