Road Accident: বিয়াৰ সপোন সপোন হৈয়েই ৰ’ল; তীব্ৰবেগী ট্ৰাকে মহতিয়ালে তিনি বন্ধুক

ধুবুৰী, 18 মে’: ধুবুৰীৰ বেলগুৰি 17 নং ৰাষ্ট্ৰীয় ঘাইপথত বৃহস্পতিবাৰে সংঘটিত হয় এক ভয়ংকৰ পথ দুৰ্ঘটনা (Road accident in Dhubri) ৷ তিনি বন্ধুৱে মটৰ চাইকেলেৰে বিয়াৰ বাবে কইনা চাবলৈ যোৱাৰ পথতেই সংঘটিত হয় এই শোকাৱহ পথ দুৰ্ঘটনাটো (3 youth death in road accident)৷ AS28AC 1007 নম্বৰৰ তীব্ৰবেগী মালবাহী ট্ৰাকৰ সৈতে AS 17D 7445 নম্বৰৰ এখন মটৰ চাইকেল মুখমুখি সংঘৰ্ষত পতিত হয় ৷ 

জানিব পৰা মতে, মটৰ চাইকেলখন লৈ ধুবুৰীৰ হালাকুৰাৰ পৰা ধুবুৰী অভিমুখে গৈ থকা অৱস্থাত বিপৰীত দিশৰ পৰা আহি থকা তীব্ৰবেগী ট্ৰাকখনে খুন্দা মৰাৰ ফলত সংঘটিত হয় দুৰ্ঘটনাটো ৷ মটৰ চাইকেলখন বিধ্বস্ত হোৱাৰ বিপৰীতে চিটিকি পৰে মটৰ চাইকেলত থকা তিনি যুৱক ৷ ফলত থিতাতে নিহত হয় যুৱক তিনিজন ৷ মৃত যুৱক তিনিজন হ’ল জহিৰুল ইছলাম ,নাছিৰ উদ্দিন শ্বেখ আৰু নাছিৰ হুছেইন ৷ 

জহিৰুল ইছলাম আৰু নাছিৰ উদ্দিন শ্বেখৰ ঘৰ গোলকগঞ্জ থানাৰ পোকালাগি আৰু নাছিৰ হুছেইনৰ ঘৰ বিদ্যাৰডাৱৰী গাঁৱত বুলি জানিব পৰা গৈছে ৷ দুৰ্ঘটনা সংঘটিত কৰি ট্ৰাক চালকজনে পলায়ন কৰে যদিও পিচত আগমনি আৰক্ষীয়ে আটক কৰে ট্ৰাকসহ চালকজনক ৷

লগতে পঢ়ক: Smuggled Timber Sized in Nagaon: উলুৱনী আৰক্ষীৰ জালত পৰিল চোৰাং কাঠ সৰবৰাহকাৰী