বজ্ৰ পৰি ১৮ টাকৈ গৰুৰ মৃত্যু

মাজুলীৰ লাচন চাপৰিত শোকাৱহ ঘটনা ৷ উজনি মাজুলীৰ লুইতপৰীয়া গাঁও পঞ্চায়তৰ অন্তৰ্গত মধ্য লাচনৰ কেবৰ চাপৰিত আজি স্থানীয় ৰাইজে উদ্ধাৰ কৰে ১৮ টাকৈ গৰুৰ মৃতদেহ(18 cow dies in Majuli) ৷ বজ্ৰপাতৰ ফলতেই পশুধনৰ মৃত্যু হৈছে বুলি সন্দেহ প্ৰকাশ কৰিছে স্থানীয় ৰাইজে ৷ উল্লেখ্য যে, আজি পুৱা অঞ্চলটোত গাজনি-ঢেৰেকনিৰ লগতে প্ৰচণ্ড ধুমুহা-বৰষুণ আহিছিল ৷ ধুমুহা-বৰষুণৰ লগতে অহা বজ্ৰপাতৰ ফলতেই গৰুকেইটাৰ মৃত্যু ঘটা বুলি স্থানীয় ৰাইজে সন্দেহ ব্যক্ত কৰিছে ৷ স্থানীয় ৰাইজে ইতিমধ্যে ঘটনা সন্দৰ্ভত পশুপালন বিভাগৰ সৈতে যোগাযোগ কৰিছে ৷