Municipal Election 2022: চাবুৱাত প্ৰথমবাৰৰ অনুষ্ঠিত হ’ল পৌৰসভা নিৰ্বাচন

চাবুৱাত প্ৰথমবাৰৰ বাবে অনুষ্ঠিত হোৱা পৌৰসভা নিৰ্বাচনত ভোট দিবলৈ দীঘলীয়া শাৰী (Municipal election at Chabua)৷ পৌৰসভাখনৰ 10 টা ৱাৰ্ডতে অগপ প্ৰাৰ্থীৰ জয়লাভ নিশ্চিত বুলি ভোটদান সাব্যস্ত কৰি ক'লে বিধায়ক পোনাকণ বৰুৱাই৷ ভোটাধিকাৰ সাব্যস্ত কৰিবলৈ ওলাই আহিল আবাল-বৃদ্ধ-বনিতা সকলো । চাবুৱাৰ মুঠ 10 টা ৱাৰ্ডত প্ৰায় 6,328 জন ভোটাৰে 31 জন প্ৰাৰ্থীৰ ভাগ্য নিৰ্ণয় কৰিব । বিজেপি, অগপ আৰু কংগ্ৰেছ দলৰ পৰা প্ৰতিটো ৱাৰ্ডত 10 জনকৈ প্ৰাৰ্থী অৱতীৰ্ণ হোৱাৰ লগতে নিৰ্দলীয়ভাৱে অৱতীৰ্ণ হৈছে এজন প্ৰাৰ্থী । চাবুৱা পৌৰসভাৰ ৬ নং ৱাৰ্ডত ভোটদান কৰি ১০ ৱাৰ্ডতে অসম গণ পৰিষদ দলৰ প্ৰাৰ্থীৰ জয়লাভ নিশ্চিত বুলি কয় চাবুৱাৰ বিধায়ক পোনাকণ বৰুৱাই ।