স্বগৃহলৈ উভতি আহিল বঙাইগাঁও জিলাৰ মঞ্জুৰ

ৰাছিয়া আৰু ইউক্ৰেইনৰ মাজত যুদ্ধ(Russia Ukraine conflict) চলি থকাৰ সময়তে ইউক্ৰেইনৰ চিকিৎসা বিশ্ববিদ্যালয়ত অধ্যয়নৰত বঙাইগাঁও জিলাৰ মানিকপুৰ আৰক্ষী থানাৰ অন্তৰ্গত ভাণ্ডাৰাৰ ছাত্ৰ মঞ্জুৰ আলম ঘৰলৈ উভতি আহিছে । চৰকাৰৰ সহযোগত ঘৰলৈ উভতি আহি চৰকাৰক ধন্যবাদ জ্ঞাপন কৰিছে ছাত্ৰজনে । ইয়াৰ লগতে ইউক্ৰেইনত আৱদ্ধ থকাৰ সময়তে কেনেকুৱা পৰিস্থিতিৰ সন্মুখীন হৈছিল সেই কথাও সাংবাদিকৰ সম্মুখত ব্যক্ত কৰিলে মঞ্জুৰে । বজাৰত থকাৰ সময়তে বোমা বিস্ফোৰণ হোৱাৰ কথা ব্যক্ত কৰিলে ছাত্ৰজনে । ভাৰতীয় দূতাবাসে যেনেদৰে সহযোগিতা কৰিব লাগিছিল তেনেদৰে সহযোগ কৰা নাই বুলি অভিযোগ কৰে মঞ্জুৰে । ইউক্ৰেইনত এতিয়াও বহু ছাত্ৰ আৱদ্ধ হৈ থকাৰ কথা উল্লেখ কৰি সেইসকল ছাত্ৰ-ছাত্ৰীক উদ্ধাৰ কৰিবলৈ চৰকাৰক আহ্বান জনায় ছাত্ৰজনে ।