Ganja recovered in Barpeta: কলগাছিয়াৰ আমগুৰিত গাঞ্জা জব্দ

ৰাজ্যত যেন ড্ৰাগছ আৰু অবৈধ নিচা যুক্ত সামগ্ৰী এটা সমাধান নোহোৱা অংক হৈ পৰিছে ৷ যিমানেই আৰক্ষীয়ে নতুন নতুন অপৰাধীক আটক কৰিছে সিমানেই নতুন পদ্ধতিৰে সৰবৰাহকাৰীয়ে কঢ়িয়াইছে এই বৰবিহ সমূহ ৷ পিছে অসম আৰক্ষীয়েও অব্যাহত ৰাখিছে নিচা জাতীয় দ্ৰব্য বিৰোধী অভিযান ৷ শেহতীয়াকৈ কলগাছিয়া আৰক্ষীয়েও অব্যাহত ৰাখিছে নিচাজাতীয় অভিযান (Anti drugs mission) ৷ দেওবাৰে বৰপেটা জিলাৰ কলগাছিয়া আৰক্ষী থানাৰ অন্তৰ্গত আমগুৰি গাঁৱৰ আনোৱাৰ হুছেইন নামৰ এজন ভাং ব্যৱসায়ীৰ ঘৰত অভিযান চলায় ৷ কলগাছিয়া আৰক্ষী থানাৰ ভাৰপ্ৰাপ্ত আৰক্ষী বিষয়া ওম প্ৰকাশ তিৱাৰীৰ নেতৃত্বত চলা এই অভিযানত আনোৱাৰ হুছেইনৰ ঘৰৰ পৰা কলগাছিয়াৰ আৰক্ষীয়ে 22 কেজি 287 গ্ৰাম গাঞ্জা সহ (Ganja seized at Kalgachia) হুচেইনক আটক কৰে (Ganja trader arrested by Kalgachia police) ৷