Raas Mahotsav 2022: পৰ্যটকৰে ভৰি পৰিছে মাজুলী

মাজুলীত সোমবাৰৰ পৰা আৰম্ভ হৈছে ৰাসলীলা (Majuli Raasleela 2022)। দ্বিতীয় বৃন্দাবনলৈ পৰ্যৱসিত হৈছে সত্ৰনগৰী মাজুলী । কৃষ্ণই কৰা ৰাসক্ৰীড়া চাবলৈ দেশী-বিদেশী পৰ্যটকে ভৰি পৰিছে নদীদ্বীপটোত (Tourist in Majuli for Raas Mahotsav 2022)। মাজুলীৰ ৬১ খন ৰংগমঞ্চত অনুস্থিত হৈছে মাজুলীৰ গৌৰৱ ৰাসলীলা । প্ৰথম দিনা ৰাসত উত্তৰ কমলাবাৰী সত্ৰত শ্ৰীকৃষ্ণৰ ৰাস লীলাৰ মহাৰাসে মুহিলে হাজাৰ হাজাৰ দৰ্শকক । জনসমুদ্ৰত পৰিণত হ'ল উত্তৰ কমলাবাৰী সত্ৰৰ কমলাকান্ত আতা ক্ষেত্ৰ (Kamalabari Satra)। ইফালে,প্ৰথম দিনা ৰাসত উজনি মাজুলীৰ মিলন সংঘ,নতুন বজাৰত জনপ্ৰিয় অভিনেত্ৰী প্ৰীতি কংকনাই দৈৱকীৰ ভাৱত অভিনয় কৰি মুহিলে দৰ্শকক ।