Jawan craze in Assam: ধুবুৰীত কিং খানৰ গাত ঢালিলে গাখীৰ !

ধুবুৰী, 8 ছেপ্টেম্বৰ: বৃহস্পতিবাৰে গোটেই বিশ্বজুৰি মুক্তি লাভ কৰিছে শ্বাহৰুখৰ খানৰ বহু প্ৰত্যাশিত ছবি ‘জৱান’ ৷ জৱানৰ টিজাৰ মুকলি হোৱাৰ লগে লগেই এই ছবিখন চাবলৈ অতি উৎসুক হৈ পৰিছিল অনুৰাগীসকল ৷ ইতিমধ্যেই ছবিখনক লৈ গোটেই ভাৰতবৰ্ষত অনুৰাগীৰ উৎকণ্ঠা দেখা পোৱা গৈছে ৷

এই ছবিখনকলৈ অনুৰাগীৰ ইমানেই উৎসাহ দেখা গৈছে যে কোনোবাই যদি ছবিখনৰ সফলতা পূৰ্জা-অৰ্চনা কৰিছে, কোনোবাই আকৌ এই ছবিখন উপভোগ কৰিবলৈ পুৱা 5 বজাতে উপস্থিত হৈছে ছবিগৃহত ৷ মুঠৰ ওপৰত জৱানৰ জ্বৰ এতিয়া চৌদিশে ৷ ভাৰতবৰ্ষৰ অন্যান্য ঠাইৰ লগতে অসমতো ছবিখনক লৈ অনুৰাগীৰ মাজত ব্যাপক উৎকণ্ঠা দেখা পোৱা গৈছে ৷

অসমৰ ধুবুৰীত শ্বাহৰুখৰ অভিনীত জৱানৰ উৎকণ্ঠা দেখা পোৱা গৈছে ৷ জৱান ছবিখনক যেন উৎসৱৰ দৰে উদযাপন কৰিছে অনুৰাগীয়ে ৷ ছবিখনক লৈ ধুবুৰীত উখল-মাখল পৰিৱেশ ৷ ধুবুৰী শ্বাহৰুখ খান ফেন ক্লাৱৰ উদ্যোগত ধুবুৰী বিষ্ণু ট’কীজত কেক কাটি উদযাপন কৰে ছবিখনৰ শুভমুক্তিৰ দিনটো ৷ কেৱল ইমানেই নহয়, জৱান চিনেমাৰ পোষ্টাৰত গাখীৰ আৰু পুষ্পবৃষ্টি কৰি শ্বাহৰুখৰ প্ৰতি নিজৰ প্ৰেম প্ৰদৰ্শন কৰে শ্বাহৰুখ খান ফেন ক্লাৱে ৷

লগতে পঢ়ক: Rinku Singh on Jawan: জৱান চালে ক্ৰিকেটাৰ ৰিংকু সিঙে, ছবি শ্বেয়াৰ কৰি কিং খানৰ বিষয়ে ক’লে এই কথা