AJYCP protest at Barhola: বৰহোলাত অ’এনজিচিৰ বিৰুদ্ধে যুৱ-ছাত্ৰ পৰিষদৰ প্ৰতিবাদ

স্থানীয় শিক্ষিত যুৱক-যুৱতীক চাকৰিৰ পৰা বঞ্চিত কৰাৰ অভিযোগ উত্থাপিত হৈছে অ'এনজিচিৰ বিৰুদ্ধে । ইয়াৰ বিৰুদ্ধে উত্তাল প্ৰতিবাদ সাব্যস্ত কৰিছে অসম জাতীয়তাবাদী যুৱ-ছাত্ৰ পৰিষদৰ বৰহোলা আঞ্চলিক সমিতিয়ে(Asom Jatiyatabadi Yuba Chatra Parishad protest at Borhola in Jorhat)৷ মঙলবাৰে অ'এনজিচিৰ উদীপ্ত কোম্পানীৰ বিৰুদ্ধে সাব্যস্ত কৰে এই প্ৰতিবাদ ৷ উল্লেখ্য় যে উদীপ্ত কোম্পানীটোৱে অবৈধভাৱে নিযুক্তি প্ৰক্ৰিয়া আৰম্ভ কৰিছে । জাতীয়তাবাদী যুৱ-ছাত্ৰ পৰিষদৰ বৰহোলা আঞ্চলিক সমিতিয়ে এই নিযুক্তি প্ৰক্ৰিয়া বন্ধ কৰাৰ দাবী জনাইছে ।উক্ত কোম্পানীটোত যোগ্যতাৰ ভিত্তিত অঞ্চলটোৰ কাৰিকৰী শিক্ষা থকা যুৱক-যুৱতীক এশ শতাংশ নিযুক্তি প্ৰদান নকৰিলে কোম্পানীটোৰ বিৰুদ্ধে অৰ্থনৈতিক অৱৰোধ অব্য়াহত থাকিব বুলি সকীয়াই দিছে সংগঠনটোৱে ।কোম্পানীত কৰ্মৰত শ্ৰমিক-কৰ্মচাৰী সকলক উপযুক্ত পাৰিতোষিক প্ৰদান কৰাকে ধৰি ভালেকেইটা দাবীত বৰহোলাৰ অ'এনজিচিৰ কাৰ্যালয়ৰ সন্মুখত পুৱা ৫ বজাৰ পৰা অৰ্থনৈতিক অৱৰোধ কাৰ্যসূচী ৰূপায়ণ কৰে জাতীয়তাবাদী যুৱ-ছাত্ৰ পৰিষদে ৷ উক্ত দাবীসমূহ পূৰণ নোহোৱা পৰ্যন্ত প্ৰতিবাদী কাৰ্যসূচী অব্যাহত থাকিব বুলি সংগঠনটোৱে সকীয়াই দিছে ।