দিল্লী-ডেৰাডুন শতাব্দী এক্সপ্ৰেছত ভয়ংকৰ অগ্নিকাণ্ড

দিল্লী-ডেৰাডুন শতাব্দী এক্সপ্ৰেছৰ C4 কম্পাৰ্টমেণ্টত শনিবাৰে এক ভয়ংকৰ অগ্নিকাণ্ড সংঘটিত হয় ৷ শ্বৰ্ট চাৰ্কিটৰ ফলত কাংশ্ৰোৰ ওচৰত এই ঘটনা সংঘটিত হোৱা বুলি জানিব পৰা গৈছে ৷ প্ৰাৰম্ভিক তদন্ত অনুসৰি, অগ্নিকাণ্ড সংঘটিত হোৱাৰ পাচত দবাটো ৰে’লখনৰ পৰা পৃথক কৰি দিয়া হৈছিল ৷ উত্তৰাখণ্ডৰ ডিজিপি অশোক কুমাৰে জানিবলৈ দিয়া অনুসৰি, ঘটনাৰ পাচতে সকলো যাত্ৰীকে নিৰাপদে স্থানান্তৰ কৰা হয় ৷ ফলত কোনো লোক হতাহত হোৱা নাই ৷