Murdered in Barpeta: হত্যাকাণ্ডৰ লগত জড়িত এজনক আটক

কিছুদিন পূৰ্বে বৰপেটাত সংঘটিত হৈছিল এক চাঞ্চল্যকৰ হত্যাকাণ্ডৰ ঘটনা ৷ বৰপেটা পলিটেকনিকৰ পিছফালৰ পথাৰত পুতি থোৱা অৱস্থাত উদ্ধাৰ হৈছিল এজন ব্যক্তিৰ মৃতদেহ ৷ ঘটনা অনুসৰি বৰপেটা চহৰৰ সমীপৰ নালীৰপাৰ গাঁৱৰ মিস্ত্ৰী হিচাপে কোনোমতে দুবেলা দুসাজ খাই জীৱিকা নিৰ্বাহ কৰা দ্বীপেন সূত্ৰধৰ নামৰ লোকজনে কিছুদিন পূৰ্বে চিকিৎসাৰ বাবে টকাৰ প্ৰয়োজন হোৱাত 5 হাজাৰ টকাত আলাল খান নামৰ লোকজনৰ ওচৰত বন্ধকীত থৈছিল নিজৰ এটুকুৰা মাটি ৷ তাৰ পিছতেই বিগত 3 ফেব্ৰুৱাৰীত বৰপেটা পলিটেকনিকৰ পিছফালৰ পথাৰত দীপেন সূত্ৰধৰক হত্যা কৰি পেলাই থোৱা অৱস্থাত উদ্ধাৰ কৰা হৈছিল দীপেন সূত্ৰধৰৰ মৃতদেহ (Murdered in Barpeta) ৷ ইয়াৰ পাচতেই বৰপেটা আৰক্ষীয়ে অনুসন্ধান চলাই হত্যাকাণ্ডটোৰ সৈতে জড়িত থকাৰ অভিযোগত আলাল খানক নামৰ লোকজনক আটক কৰাৰ লগতে হত্যাত ব্যৱহৃত লোৰ মাৰি এডালো উদ্ধাৰ কৰিবলৈ সক্ষম হৈছে বৰপেটা আৰক্ষীয়ে ৷