ব'হাগীক আদৰিবলৈ সাজু কেৰুমণি থুৰীয়া গাভৰু জেং বিহু দল

বসন্তৰ আগমনৰ লগে লগে সাত আঠখন হৈ পৰিছে নাচনী বিহুৱাৰ মন ৷ প্ৰকৃতিয়েও যেন ৰমক জমককৈ ন-সাজেৰে গাভৰুজনী হৈ উঠিছে ৷ হেঁপাহৰ ৰঙালী বিহুলৈ মাজত মাথো কেইটামান দিন বাকী থকাৰ সময়তে ঢোল, পেঁপাৰ লহৰত ৰজনজনাই উঠিছে ৰাজ্যৰ ভিন্ন প্ৰান্ত(Bihu preparation in Assam) ৷ সমান্তৰালকৈ আমগুৰিত এতিয়া ৰঙালীক আদৰাৰ বাবে চলিছে ব্যাপক প্ৰস্তুতি(Bihu preparation at Amguri) ৷ আগন্তুক ৰঙালী বিহুৰ বাবে জেং বিহুৰ আখৰাত ব্যস্ত হৈ পৰিছে আমগুৰি লালিম ছিগাৰ কেৰুমণি থুৰীয়া গাভৰু জেং বিহু দল ৷ অঞ্চলটোৰ জীয়াৰীসকল একগোট হৈ টকা, হুতুলী, গগণা লৈ পথাৰত ব্যস্ত হৈ পৰিছে বিহু আখৰাত ৷