Accident in Baihata Chariali: ৰাজ্যিক বিজেপিৰ সভাপতি ভবেশ কলিতাৰ এচক’ৰ্ট বাহনত খুন্দা ট্ৰাকৰ

বাইহাটা চাৰিআলিত নিশা ট্ৰাকৰ দৌৰাত্ম্য (Accident in Baihata Chariali)। ৰাজ্যিক বিজেপিৰ সভাপতি ভবেশ কলিতাৰ এচকৰ্ট বাহনত খুন্দা এখন ট্ৰাকৰ (Truck hits escort vehicle of state BJP president Bhabesh Kalita)। ঘটনা সংঘটিত হয় বাইহাটা চাৰিআলি-গোৰেশ্বৰ পথৰ বামাত । ট্ৰাকখনে খুন্দিয়াই সেই স্থানৰ পৰা পলায়ন কৰে যদিও ট্ৰাকখন বাইহাটা চাৰিআলি আৰক্ষীয়ে জব্দ কৰিবলৈ সক্ষম হয় ট্ৰাকখন । ঘটনাৰ বিৱৰণী অনুসৰি গোৰেশ্বৰৰ ওচৰৰ কাউৰবাহাৰ পৰা ঘৰ অভিমুখে গৈ আছিল ৰাজ্যিক বিজেপিৰ সভাপতি ভবেশ কলিতা ৷ কিন্তু আহি থকা অৱস্থাতে বাইহাটা চাৰিআলিৰ দিশৰ পৰা গৈ থকা এখন দ্ৰুতবেগী ট্ৰাকে এচকৰ্ট বাহনখনত খুন্দিয়াই পলায়ন কৰাৰ চেষ্টা কৰে যদিও বাইহাটা চাৰিআলি আৰক্ষীয়ে ট্ৰাকখন জব্দ কৰিবলৈ সক্ষম হয় । দুৰ্ঘটনাটোত এচকৰ্ট বাহনখনৰ চালকজন সামান্যভাৱে আঘাতপ্ৰাপ্ত হয় । জানিব পৰা মতে ট্ৰাকখনৰ চালকজন নিচাসক্ত আছিল ।