Snow cover at Moran: বছৰৰ শেষৰটো সপ্তাহত মৰাণবাসী সাক্ষী হ’ল তুষাৰৰ আচ্ছাদনৰ

মৰাণত মঙলবাৰে পুৱাই অস্বাভাৱিক পৰিৱেশ । নৱবৰ্ষৰ প্ৰাক ক্ষণত মঙলবাৰে পুৱতি নিশাৰ পৰা হোৱা শিলা বৃষ্টিৰ ফলত তুষাৰ শুভ্ৰ আচ্ছাদনে আৱৰি ধৰিছে মৰাণ অঞ্চলক (Snow cover at Moran) ৷ কাহানিও নেদেখা এই অস্বাভাৱিক পৰিৱেশ দেখি এতিয়া চিন্তিত হৈ পৰিছে মৰাণবাসী । পাতলীয়াকৈ আৰম্ভ হোৱা এজাক বৰষুণৰ মাজতে প্ৰৱলভাৱে শিল (hailstorm in Moran) পৰিবলৈ আৰম্ভ কৰে মৰাণ আৰু ইয়াৰ কাষৰীয়া অঞ্চলসমূহত ৷ তাৰ পাছতে মৰাণৰ বিস্তৃত অঞ্চল বগা বৰফেৰে আবৃত হৈ পৰে (Moran Snowfall video)। এই শিলাবৃষ্টিৰ ফলত বহুতৰে কৃষি পথাৰৰ লগতে ঘৰৰো অনিষ্ট সাধন হোৱা বুলি জানিব পৰা গৈছে । শুভ্ৰ বৰফৰ বৰষুণৰ এই দৃশ্য উপভোগ কৰিবলৈ পুৱাই মৰাণৰ ৰাজপথলৈ ৰাইজ ওলাই অহা পৰিলক্ষিত হয় ৷