Lekhika samaroh award 2022: কণ্ঠশিল্পী অনিমা চৌধুৰীক মৃত্যুঞ্জয়ী শিল্পী আইদেউ সন্দিকৈ সোঁৱৰণী বঁটা

গোলাঘাট জিলাৰ তেলগৰম ৰঙ্গমঞ্চত সদৌ অসম লেখিকা সমাৰোহ সমিতিয়ে শিল্পী আইদেউ সন্দিকৈ সোঁৱৰণী বঁটা প্ৰদান কৰে প্ৰবীণ কণ্ঠশিল্পী ড৹ অনিমা চৌধুৰীক(Lekhika samaroh felicitated Anima Choudhury) । শদিয়াৰ পৰা ধুবুৰীলৈ প্ৰতিখন জিলাৰ লেখিকা সমাৰোহ সমিতিৰ পাঁচ শতাধিক প্ৰতিনিধি তথা বহুকেইগৰাকী বিশিষ্ট ব্যক্তিৰ উপস্থিতিত সমিতিৰ 2022 বৰ্ষৰ ৰাজ্যিক বঁটা বৰেণ্য শিল্পী ড৹ অনিমা চৌধুৰীক প্ৰদান কৰা হয়(Lekhika samaroh award 2022) । তেলগৰম জাগৃতি লেখিকা সমাৰোহ সমিতিৰ সহযোগত সদৌ অসম লেখিকা সমাৰোহ সমিতিৰ উদ্যোগত আগবঢ়োৱা এই বঁটাত আছে অংগবস্ত্ৰ, গামোচা, চেলেং, জাপি, স্মাৰক, শৰাই আৰু নগদ ধনৰ টোপোলা । সদৌ অসম লেখিকা সমাৰোহ সমিতিৰ সভাপতি সুবৰ্ণ শইকীয়া বৰদলৈৰ সঞ্চালনাত অনুষ্ঠিত বঁটা প্ৰদান অনুষ্ঠানত তেজপুৰ মহাবিদ্যালয়ৰ প্ৰাক্তন অধ্যক্ষ ড৹ চাৰু চহৰীয়া নাথ, স্নাতকোত্তৰ প্ৰশিক্ষণ মহাবিদ্যালয় যোৰহাটৰ প্ৰাক্তন অধ্যক্ষ বিনীতা দত্ত, জগন্নাথ বৰুৱা মহাবিদ্যালয়ৰ অধ্যাপক ড৹ জ্যোতিৰেখা শইকীয়াৰ লগতে বহুকেইগৰাকী শিল্পী, সাহিত্যিক, সাধাৰণ ৰাইজ উপস্থিত থাকে ৷