Premier League football : বাক্সাৰ প্ৰথম আন্তঃ ষষ্ঠ পৰিষদীয় প্ৰিমিয়াৰ লীগ ফুটবলত কাৰ্বি আংলং স্বায়ত্ত্ব পৰিষদৰ জয়

শনিবাৰে বাক্সা জিলাৰ মুছলপুৰত চলি থকা প্ৰথম আন্তঃ ষষ্ঠ পৰিষদীয় প্ৰিমিয়াৰ লীগ ফুটবল(Premier League football) খেল বাক্সা জিলাৰ বাথৌপুৰী ক্ৰীড়া কমপ্লেক্স খেলপথাৰত অনুষ্ঠিত হয় ৷ এই খেলত কাৰ্বি আংলং স্বায়ত্ত্ব পৰিষদে(Karbi Anglong Autonomous Council) ত্ৰিপুৰা স্বায়ত্ব শাসিত জিলা পৰিষদক(Tripura Autonomous District Council) ১-০ গ’লত পৰাজিত কৰে। বিজয়ী দলৰ তিনি নম্বৰ জাৰ্চি পৰিহিত কিৰাট কিছোক শ্ৰেষ্ঠ খেলুৱৈ বঁটা প্ৰদান কৰাৰ লগতে দহ হাজাৰ টকাৰ চেক প্ৰদান কৰে বিটিচিৰ কাৰ্যবাহী সদস্য ঘনশ্যাম দাসে ৷ উল্লেখ্য যে প্ৰথম বাৰৰ বাবে উত্তৰ পুৰ্বাঞ্চলৰ দহটা স্বায়ত্ত্বশাসিত পৰিষদৰ অন্তৰ্গত ফুটবল খেলুৱৈৰ মাজত প্ৰতিযোগিতা আৰম্ভ হৈছে ৷ এয়া স্বায়ত্ত্বশাসিত পৰিষদ সমুহৰ মাজত যাতে সমন্বয়ৰ বাৰ্তা আনিব পাৰে তাৰেই এক প্ৰচেষ্টা বুলি জানিবলৈ দিয়ে ৷