চিলনী চোৰে থপিয়ালে 20 লাখ টকাৰ সোণ ভৰ্তি বেগ

গোৰেশ্বৰত চোৰৰ লাগিল জেকপ’ট ৷ তামুলপুৰ জিলাৰ গোৰেশ্বৰত চিলনী চোৰে লুটিলে 20 লাখ টকাৰ সোণ (Gold bag snatched)৷ সোমবাৰে বিয়লি গোৰেশ্বৰৰ পুৰণি বজাৰৰ নিবাসী মাতৃ জুয়েলাৰীৰ স্বত্বাধিকাৰী কাৰ্তিক সাহাৰ সোণ ভৰ্তি বেগ লৈ উধাও হয় চোৰ(Gold bag snatched at goreswar)৷ দোকান বন্ধ কৰি ঘৰলৈ ওভতাৰ সময়তে সোণৰ বেগটো নিজৰ দুচকীয়া বাহনত থৈ হাত ধুবলৈ যাওঁতে চোৰে সোণৰ বেগ লৈ পলায়ন কৰে ৷ লগে লগে মাতৃ জুয়েলাৰীৰ স্বত্বাধিকাৰী কাৰ্তিক সাহাই বাহিৰলৈ আহি বেগটো নেদেখি হুলস্থুল কৰাত স্থানীয় লোকসকলে আৰক্ষীক খবৰ দিয়ে ৷ স্বত্বাধিকাৰীগৰাকীয়ে জানিবলৈ দিয়া অনুসৰি বেগটোত প্ৰায় ২০ লাখ টকাৰ সোণ আছিল ৷ ঘটনাস্থলীত গোৰেশ্বৰ আৰক্ষী (Goreswar Police) উপস্থিত হৈ তদন্ত অব্যাহত ৰাখিছে ৷