ঘৰত কোনো নথকাৰ সুযোগ লৈ ছাত্ৰক পঢ়া টেবুলৰ পৰা অপহৰণৰ চেষ্টা

লখিমপুৰ জিলাৰ বান্দৰদেৱাত কিশোৰ অপহৰণৰ ঘটনা পোহৰলৈ আহিছে (Kidnapping case in Lakhimpur) ৷ মঙলবাৰে নিশা বান্দৰদেৱাৰ ১৫ নং ৰাষ্ট্ৰীয় ঘাইপথৰ দাঁতিতে থকা এখন ঘৰত কোনো নথকাৰ সুযোগ লৈ অপৰণকাৰীৰ এটা দলে দুৱাৰত নক কৰে ৷ কিশোৰজনে পিতৃ-মাতৃ অহা বুলি ভাবি দুৱাৰখন খুলি দিওঁতেই অপহৰণকাৰীৰ দলটোৱে কিশোৰজনক দাংকোলা কৰি অপৰণ কৰিবলৈ চেষ্টা কৰে ৷ দশম শ্ৰেণীত অধ্যয়নৰত ছাত্ৰজনে পৰীক্ষা প্ৰস্তুতি চলাই আছিল ৷ বহু যুঁজ বাগৰৰ অন্তত কিশোৰজনে কোনোমতে নিজ বুদ্ধি কৌশলেৰে অপহৰণকাৰীৰ হাতৰ পৰা সাৰি আহিবলৈ সক্ষম হয় ৷ ঘটনা সম্পৰ্কত বান্দৰদেৱা আৰক্ষীক অৱগত কৰিছে কিশোৰজনৰ পিতৃ-মাতৃয়ে ৷ কিশোৰজনে জনোৱা অনুসৰি অপহৰণকাৰীৰ দলটোত হিন্দীভাষী লোকো আছিল ৷