Crime in Guwahati: দোকানৰ ভিতৰতেই দাৰে ঘপিয়ালে একে পৰিয়ালে 5 জনক

মহানগৰীত ভয়ংকৰ ঘটনা (Crime news Guwahati)৷ শনিবাৰে সন্ধিয়া উদণ্ড লোকৰ দাৰ ঘাপত আহত একে পৰিালৰে 5 জন লোক (5 people injured)৷ দীনেশ দাস নামৰ লোকজনৰ ঘৰত দোকানৰ শুভাৰম্ভণিৰ পূজা হৈ থকাৰ মাজতেই দুলু দাস নামৰ ব্যক্তিজনে দোকানলৈ সোমাই আহি জধে মধে দাৰে ঘপিয়াই দীনেশৰ পৰিয়ালৰ লোকক ৷ এই ঘটনাত আহত হৈ পৰিয়ালটোৰ 5 জনকৈ লোক(Attempt to murder case in Guwahati)৷ দাৰ ঘাপত গুৰুতৰভাৱে আহত হয় দীনেশ দাস, গুৰুদাসী বিশ্বাস, অনিৰুদ্ধ বিশ্বাস, গোবিন্দ বিশ্বাস আৰু সংগীতা বিশ্বাস নামৰ আটাইকেইজন লোক ৷ সম্প্ৰতি তেওঁলোক গুৱাহাটী মেডিকেল কলেজ হাস্পতালত চিকিৎসাধীন হৈ আছে ৷ এতিয়া তেওঁলোক সুস্থ অৱস্থাত আছে বুলি আছে বুলি জানিব পৰা গৈছে ৷ ইতিমধ্যে এই ঘটনাৰ মূল অভিযুক্ত দুলু দাস নামৰ লোকজনক আটক কৰিছে সাতগাঁও আৰক্ষীয়ে ৷ পাৰিবাৰিক ঘটনাৰ ফলত এই ঘটনা সংঘটিত হৈছে বুলি জানিবলৈ দিয়ে আহত পৰিয়ালৰটোৰ আত্মীয়ই ৷