চ’ত মাহতে বানত বুৰিল নাৰায়ণপুৰৰ বিস্তৃত অঞ্চল

বানৰ কবলত বিহপুৰীয়া বিধানসভা সমষ্টিৰ নাৰায়ণপুৰৰ বিস্তৃত অঞ্চল(Flood in Lakhimpur) । দোৰ্পাং আৰু পিছলা নৈৰ বাঢ়নী পানীয়ে বুৰালে বৃহত্তৰ মাঘনোৱা অঞ্চলৰ কেইবাখনকৈ গাঁও । 24 ঘন্টাৰো অধিক সময় বান বুৰি থকাৰ পিছতো বানাক্ৰান্তৰ খবৰ ল’বলৈ আহৰি নাই চৰকাৰ তথা প্ৰশাসনৰ । অপৰিকল্পিত আৰু অবিজ্ঞানসন্মতভাৱে আঁচনি ৰূপায়ণৰ ফলশ্ৰুতিতেই এই অৱস্থা সৃষ্টি হোৱাৰ অভিযোগ বন্যাৰ্তৰ । চ’ত মাহতে অহা এই বানত মাঘনোৱা দললৈ যোৱা মূল পথটি পানীত বুৰ যোৱাৰ ফলত এতিয়া অঞ্চলটোৰ ছাত্ৰ-ছাত্ৰীৰ লগতে সাধাৰণ ৰাইজৰ যাতায়তৰ ক্ষেত্ৰত যথেষ্ট সমস্যাৰ সন্মুখীন হৈছে ।