পুনৰ ৰঙিয়া আৰক্ষীৰ জালত কুখ্যাত ড্ৰাগছ মাফিয়া আয়তুল আলী

নামনি অসমৰ কুখ্যাত ড্ৰাগছ মাফিয়া আয়তুল আলী পুনৰ ৰঙিয়া আৰক্ষীৰ জালত(Drugs mafia Ayatul Ali arrested by Rangia police) । আৰক্ষীয়ে হেৰ'ইনসহ আন এজন সহযোগীৰ সৈতে আটক কৰে আয়তুলক । ধৃত সহযোগীজন হৈছে ৰঙিয়া চিৰাখুন্দিৰ নুৰুল হক । অভিযান কালত আৰক্ষীয়ে আয়তুলৰ পৰা উদ্ধাৰ কৰে ৯ গ্ৰাম হেৰ'ইন । আৰক্ষীৰ এটা দলে এক গোপন সূত্ৰৰ পম খেদি ৩১ নং ৰাষ্ট্ৰীয় ঘাইপথৰ বালাগাঁৱত আয়তুলক AS-01-ET-7856 নম্বৰৰ এখন ক'লা স্ক'ৰপিঅ' বাহনৰ সৈতে আটক কৰে । সম্প্ৰতি আৰক্ষীয়ে অধিক তথ্যৰ বাবে আইতুলক মাৰাথান জেৰা অব্যহত ৰাখিছে । উল্লেখ্য যে, ৭ মাহ পূৰ্বেও আয়তুলক ড্ৰাগছসহ আটক কৰিছিল ৰঙিয়া আৰক্ষীয়ে ।