চামগুৰিত ইমান দিনে ৰকিবুল হুছেইনেহে ৰিগিং কৰিছিল : দিগন্ত কলিতা

বাইহাটা চাৰিআলি : কাইলৈ ঘোষণা কৰা হ'ব ৰাজ্য়ৰ পাঁচটা বিধানসভা সমষ্টিৰ উপ-নিৰ্বাচনৰ ফলাফল । আৰম্ভ হৈছে জল্পনা-কল্পনা । ইয়াৰ মাজতেই উপ-নিৰ্বাচনৰ ফলাফলক লৈ মন্তব্য় কৰিলে বিধায়ক দিগন্ত কলিতাই । ফলাফল ঘোষণাৰ এদিন পূৰ্বেও চামগুৰি সমষ্টিৰ প্ৰাক্তন বিধায়ক তথা ধুবুৰী লোকসভা সমষ্টিৰ সাংসদ ৰকিবুল হুছেইনক সমালোচনা কৰিবলৈ নেৰিলে বিধায়কগৰাকীয়ে ।

চামগুৰিত ৰিগিং হোৱা বুলি কংগ্ৰেছে কৰা অভিযোগৰ প্ৰত্য়ুত্তৰত কমলপুৰ সমষ্টিৰ বিধায়ক দিগন্ত কলিতাই প্ৰতিক্ৰিয়া প্ৰকাশ কৰি কয়," চামগুৰিত অতদিনে ৰকিবুল হুছেইনেহে ৰিগিং কৰি আছিল । এইবাৰ উপ-নিৰ্বাচনত ৰিগিং কৰিবলৈ নাপায় বিজেপিৰ ওপৰত অভিযোগ জাপি দিছে ৰকিবুল হুছেইনেহে ।"  

বিধায়কগৰাকীয়ে পুনৰ কয়," ৰিগিং হ'লে অকল চামগুৰিত কিয়,অন্য চাৰিটা সমষ্টিৰ কথাও ওলাব লাগিছিল । যদিহে ৰিগিং হোৱাৰ অভিযোগ সঁচা তেতিয়াহ'লে ন্যায়ালয় আছে,নিৰ্বাচন আয়োগ আছে, তাত অভিযোগ দিব লাগিছিল কংগ্ৰেছে ।" সমষ্টিটোৰ অন্তৰ্গত দগাঁও উচ্চতৰ মাধ্যমিক বিদ্যালয়ত ৭ কোটি ৩৮ লাখ টকা ব্যয় সাপেক্ষে নিৰ্মাণ কৰিবগীয়া বিদ্যালয় গৃহৰ শিলান্যাস কৰি এনেদৰে সংবাদ মাধ্যমৰ আগত কয় বিধায়কগৰাকীয়ে ।

লগতে পঢ়ক:তীব্ৰ প্ৰতিদ্বন্দ্বিতাৰ পাছতো বিভিন্ন ফেক্টৰ থাকে: ভূপেন বৰা