AASU Protest at Rangia: ৰঙিয়াৰ জনজীৱনলৈ কয়লাই ভাবুকি কঢ়িয়াই অনাৰ অভিযোগ

ৰঙিয়াত আছুৰ প্ৰতিবাদ (AASU protest at Rangia)। জনবহুল অঞ্চলত ৰেল বিভাগে কয়লাৰ ৰেক লোডিং-আনলোডিঙৰ কাম আৰম্ভ কৰাৰ বিৰুদ্ধে ৰঙিয়া আঞ্চলিক ছাত্ৰ সন্থাই এই প্ৰতিবাদ সাব্যস্ত কৰে । শনিবাৰে শতাধিক আছু কৰ্মীয়ে নতুনকৈ আৰম্ভ কৰা ৰঙিয়া ষ্টেচন ৰোডৰ কয়লা লোডিং-আনলোডিং স্থানৰ সমীপত সমবেত হৈ এই উত্তাল প্ৰতিবাদ সাব্যস্ত কৰে । প্ৰতিবাদকাৰীসকলে হস্পিতাল, স্কুল আদিৰ নিচেই কাষতে জনবহুল অঞ্চলত কয়লাৰ লোডিং-আনলোডিং কৰি জনস্বাস্থ্যৰ প্ৰতি ভাবুকি কঢ়িয়াই অনা কাৰ্যৰ বাবে ৰেল বিভাগৰ বিৰুদ্ধে ক্ষোভ উজাৰে । অতি শীঘ্ৰে কয়লাৰ লোডিং-আনলোডিঙৰ কাম স্থানান্তৰ কৰিবলৈ প্ৰতিবাদকাৰীসকলে দাবী জনায় ।