আজিকালি বজাৰত বিভিন্ন ডিজাইন, লুক আৰু ব্ৰেণ্ডৰ জোতা উপলব্ধ ৷ সাধাৰণতে মানুহে ব্ৰেণ্ড আৰু দাম চাইহে জোতা ক্ৰয় কৰে ৷ আপুনি জানেনে যে ইমান মৰমেৰে ক্ৰয় কৰা জোতাযোৰে আপোনাক অসুস্থ কৰি তুলিব পাৰে ? বিশেষজ্ঞসকলৰ মতে, জোতাৰে বাতবিষ, আঁঠুৰ সমস্যা, নিকনেক, ফ্লেট ফিট, নকনিক আৰু বুনিয়ন আদি স্বাস্থ্যজনিত সমস্যাৰ সৃষ্টি কৰিব পাৰে ৷ শেহতীয়াকৈ বি এইচ ইউৰ শাৰীৰিক শিক্ষাত কৰা এক গৱেষণাত কোৱা হৈছে যে ২৩ শতাংশ যুৱ খেলুৱৈয়ে নিজৰ আৰাম অনুসৰি জোতা ক্ৰয় নকৰাৰ বাবে অকালতে অযোগ্য হৈ পৰে ৷ এই সন্দৰ্ভত গৱেষণাই কি কয় জানো আহক-
জোতাৰ ওপৰত গৱেষণাই কি কয় ?
বি এইচ ইউৰ কলা শাখাৰ শাৰীৰিক শিক্ষা বিভাগৰ ছাত্ৰ সৌৰভ মিশ্ৰই জোতাৰ ওপৰত এক গৱেষণা কৰিছিল ৷ জোতা কি ভিত্তিত বাছনি কৰিব লাগে সেই সম্পৰ্কে প্ৰশ্নভিত্তিক সমীক্ষা কৰা হৈছিল, য’ত ১৫-২৫ বছৰ বয়সৰ ১০০০-১৫০০ খেলুৱৈক কিছু প্ৰশ্ন কৰা হৈছিল ৷ সমীক্ষাটোত দেখা গৈছে যে শৰীৰৰ সন্তুলন তথা ভৰিৰ আৰাম অনুসৰি জোতা পৰিধান নকৰিলে ভৰিৰ সঠিক বিকাশত বিভিন্ন সমস্যাই দেখা দিব পাৰে ৷
এই সমস্যা বাতবিষ, আঁঠুৰ সমস্যা, ভৰি সমতল আৰু ভৰিৰ বিষৰ বাবেও হ’ব পাৰে ৷ এই কাৰণতে ২৫% খেলুৱৈয়ে প্ৰাপ্তবয়স্ক অৱস্থাত ভৰি দিয়াৰ লগে লগে অযোগ্য হৈ পৰে ৷
এই সমস্যাবোৰ হ’ব পাৰে-
- এলাৰ্জী: কিছুমান মানুহৰ ছাল অতি সংবেদনশীল ৷ এনে পৰিস্থিতিত চামৰা বা আন যিকোনো কৃত্ৰিম সামগ্ৰীৰ সংস্পৰ্শলৈ আহিলে এলাৰ্জী হ’ব পাৰে ৷ গতিকে জোতাৰ লগত এনে সামগ্ৰীৰে তৈয়াৰী মোজা পিন্ধিব লাগে ৷
- ৰক্ত সঞ্চালনত বাধা: এই কথা শুনি আপুনিও আচহুৱা অনুভৱ কৰিব পাৰে, কিন্তু মোজাবিহীন জোতা পৰিধান কৰিলে ভৰিৰ ক্ষতি হোৱাই নহয়, ৰক্ত সঞ্চালনৰ লগত জড়িত সমস্যাও হ’ব পাৰে ৷
শিশুক এই ধৰণৰ জোতা পিন্ধিবলৈ নিদিব-
এই গৱেষণাই স্পৰ্টছ জোতাৰ ওপৰত কৰা প্ৰথম গৱেষণা ৷ গৱেষণাৰ পৰা দেখা গৈছে যে পিতৃ-মাতৃৰ মাজত শিশুক ডাঙৰ জোতা দিয়াৰ অভ্যাসটো ভুল, কাৰণ ডাঙৰ জোতা পিন্ধিলে শিশুৰ ভৰিৰ বিকাশত বহু পৰিমাণে প্ৰভাৱ পৰে, যাৰ ফলত ভৱিষ্যতে বহু সমস্যাৰ সৃষ্টি হ’ব পাৰে ৷
গৱেষণাত কোৱা হৈছিল যে চি এছ আই আৰৰ লেব, চেন্নাইৰ চেণ্ট্ৰেল লেদাৰ ইনষ্টিটিউটত ভাৰতীয় জোতাৰ আকাৰৰ ওপৰত অধ্যয়ন চলি আছে ৷ যিহেতু বিদেশত জোতা বিক্ৰী কৰা কোম্পানীয়ে গ্ৰাহকৰ ভৰিৰ আকাৰ অনুসৰি জোতা প্ৰস্তুত কৰে, সেয়েহে ই ব্যয়বহুল যদিও ভৰিৰ স্বাস্থ্যৰ বাবে ই ভাল আনহাতে ভাৰতত সেয়া নহয় ৷
কেনে ধৰণৰ জোতা ক্ৰয় কৰিব লাগে ?
এই গৱেষণাত কোৱা হৈছিল যে, খেলুৱৈয়ে হওক বা সাধাৰণ মানুহেই হওক জোতা সস্তীয়া, সুন্দৰ বুলি বিবেচনা কৰি ক্ৰয় কৰে ৷ কিন্তু এইটো একেবাৰেই ভুল কাম, যদি আপুনিও এনে জোতা পৰিধান কৰিছে তেন্তে লগে লগে আপোনাৰ অভ্যাস সলনি কৰক, কাৰণ জোতা সদায় আপোনাৰ আৰামৰ কথা মনত ৰাখিহে কিনিব লাগে ৷ জোতাও শৰীৰ অনুযায়ী বাছনি কৰিব লাগে ৷ জোতাযোৰ কিমান দিন পিন্ধিব পাৰি সেই কথাও মনত ৰাখিব লাগে ৷ গতিকে ভৰিৰ বাবে আৰামদায়ক জোতাহে সদায় বাচনি কৰিব ৷
লগতে পঢ়ক: শীতকালতো নিমজ হৈ থাকিব আপোনাৰ ছাল; ব্যৱহাৰ কৰক আপেলৰ ফেচ মাস্ক
