নিউজ ডেস্ক, 1 অক্টোবৰ: নিৰামিষ ভোজী আৰু ইয়াৰ উপকাৰিকাত সমৰ্থন কৰিবলৈ বিশ্বজুৰি প্ৰতিবছৰে 1 অক্টোবৰ তাৰিখটো ‘বিশ্ব নিৰামিষ দিৱস’ হিচাপে পালন কৰা হয় ৷ এই দিনটো পোনপ্ৰথমবাৰৰ বাবে 1977 চনত উত্তৰ আমেৰিকান নিৰামিষ সমিতি (NAVS)য়ে পালন কৰিছিল ৷
নিৰামিষ ভোজীৰ প্ৰকাৰ-
ৰাষ্ট্ৰীয় স্বাস্থ্য প’ৰ্টেল (NHP)য়ে নিৰামিষ ভোজীসকলক এক শ্ৰেণীত অন্তৰ্ভুক্ত কৰিছে আৰু এই শ্ৰেণীত তিনিটা ভাগ আছে ৷
1. ভেগান (Vegan): এই শ্ৰেণীত আহাৰসমূহ কেৱল উদ্ভিদ জাতীয় হয় ৷ ইয়াত যিকোনো জীৱ-জন্তুৰ কণী,গাখীৰ,মৌ অন্তৰ্ভুক্ত হ’ব নোৱাৰে ৷ ইয়াত প্ৰধানকৈ কেঁচা কল,পাচলি,স্প্ৰাউটছ অন্তৰ্ভুক্ত কৰা হৈছে ৷
2. লেক্ট’-ভেজিটেৰিয়ান (Lacto-vegetarian): ইয়াত উদ্ভিদ জাতীয় খাদ্য আৰু গাখীৰেৰে তৈয়াৰী খাদ্য অন্তৰ্ভুক্ত যদিও কণী অন্তৰ্ভুক্ত নহয় ৷
3. লেক্ট’-অ’ভো-ভেজিটেৰিয়ান (Lacto-ovo vegetarian): ইয়াত উদ্ভিদ জাতীয়,গাখীৰেৰে তৈয়াৰী খাদ্য আৰু কণী অন্তৰ্ভুক্ত হৈ আছে ৷
যি প্ৰকাৰৰ নিৰামিষ ভোজী নহওঁক কিয়,আপুনি এইটো সুনিশ্চিত কৰা উচিত যে আপুনি শৰীৰৰ বিকাশ,সঞ্চালন আৰু বৃদ্ধিৰ বাবে ভাৰসাম্যযুক্ত খাদ্য গ্ৰহণৰ বিষয়ৰ ওপৰত গুৰুত্ব দিব লাগে ৷ NHPয়ে নিম্নলিখিত খাদ্যত ভিটামিন আৰু মিনাৰেল বিচাৰি পাইছে-
- ভিটামিন বি12:
গাখীৰেৰে তৈয়াৰী খাদ্য,কণী,ব্ৰেড,চোয়া আৰু চাউলপ পৰা তৈয়াৰী পানীয় ৷
- ভিটামিন ডি:
গাখীৰ আৰু ৰ’দ
- কেলছিয়াম:
গাখীৰেৰে তৈয়াৰী খাদ্য,সেউজীয়া শাক-পাচলি,ব্ৰোকোলী
- প্ৰ’টিন:
গাখীৰ আৰু পনীৰ,কণী,টোফু আৰু অন্য চোয়া খাদ্য,নাটছ
- আইৰণ:
কণী,বীন,শুকান ফল,সেউজীয়া শাক-পাচলি
- যিংক:
ঘেহুৰ বীজ,নাটছ,বীন আৰু ৰঙালাওৰ বীজ
নিৰামিষ ভোজী হোৱাৰ লাভ:
NHPয়ে নিৰামিষ ভোজী হোৱাৰ লাভ সম্পৰ্কে কিছু কাৰণ দাঙি ধৰিছে-
- ই হৃদযন্ত্ৰৰ ৰোগ আৰু কৰ্কট ৰোগৰ মাত্ৰা হ্ৰাস কৰে ৷
- ই শৰীৰৰ ওজন কম কৰাত সহায় কৰে ৷
- নিৰামিষ আহাৰত নাটছ,ফল আৰু পাচলি অন্তৰ্ভুক্ত কৰা হয় যিয়ে ফাইবাৰ,এণ্টি অ’ক্সিডেণ্ট আৰু ভিটামিনৰ সৈতে আৱশ্যকীয় মিনাৰেলৰ পৰিমাণ বৃদ্ধি কৰে ৷
নিৰামিষ ভোজী হ’বলৈ হ’লে:
1. নিজকে প্ৰশ্ন কৰক আপুনি কিয় নিৰামিষ ভোজী হ’ব বিচাৰে ৷
2. মাছ-মাংস আদিৰ প্ৰতি লোভ কম কৰক ৷
3. খোৱা খাদ্য সলনি কৰক আৰু চোয়া,টোফু আদি বাচনি কৰক ৷
4. খাদ্যসমূহৰ গুণাগুণ সম্পৰ্কে পঢ়ক ৷
5. অনলাইনত উপলব্ধ বহুতো সুস্বাদু নিৰামিষ খাদ্য় বাচনি কৰক ৷
6. আপোনাৰ নিৰামিষ ভোজী বন্ধু-বৰ্গৰ সৈতে মিলিত হওঁক আৰু বাহিৰলৈ গৈ নিৰামিষ খাদ্য গ্ৰহণ কৰক ৷
ইয়াৰোপৰি নিৰামিষ ভোজী হ’বলৈ হ’লে আপুনি পোষণ বিশেষজ্ঞৰো পৰামৰ্শ গ্ৰহণ কৰিব পাৰে ৷
লগতে পঢ়ক: কোভিডৰ সময়ত যোগৰ মাধ্যমেৰে সুস্থ্য কৰি ৰাখক নিজকে
