যিকোনো মহিলাৰ বা যুৱতীৰ বাবে মাহটোৰ সেই ৫ টা দিন সাধাৰণ দিনতকৈ বহু বেলেগ আৰু কষ্টকৰ হয় ৷ হয়তো আপুনি গ’মেই পাইছে আমি কোন কেইটা দিনৰ বিষয়ে কৈছো ৷ হয়, আমি কৈছো মহিলাৰ ঋতুস্ৰাবৰ কথা ৷ এই ৫টা দিনত মহিলাসকলে পেটৰ বিষ, কঁকালৰ বিষ আৰু শৰীৰৰ বিষত ভুগিবলগীয়া হয় । কিন্তু প্ৰায়ে কোৱা হয় যে, গ্ৰীষ্মকালৰ তুলনাত শীতকালত এই বিষ বাঢ়ি যায় । বহু গৱেষণাত উল্লেখ কৰা হৈছে যে প্ৰতি ১০ গৰাকী মহিলাৰ ভিতৰত ৬ গৰাকীয়ে শীতকালত পেটৰ তীব্ৰ বিষত ভোগে । এতিয়া প্ৰশ্ন উত্থাপন হয় যে শীতকালত সঁচাকৈয়ে মহিলাৰ ঋতুস্ৰাবৰ বিষ বাঢ়ি যায় নেকি ?
ভিটামিন ডিৰ অভাৱ
প্ৰায়ে ঠাণ্ডা বতৰত দেখা যায় বহু লোক ভিটামিন ডিৰ অভাৱত ভোগে । ঋতুস্ৰাবৰ বিষ বৃদ্ধি হোৱাৰ বাবে ই এক অন্যতম কাৰণ ।
গৰমৰ তুলনাত মানুহে শীতকালত বহুত কম পানী সেৱন কৰে । যাৰ বাবে ঋতুস্ৰাবৰ বিষ বাঢ়ি যায় । কাৰণ আমাৰ শৰীৰৰ বাবে পানী অতি গুৰুত্বপূৰ্ণ ।
বেছিকৈ জাংক ফুড খোৱাটোও হ’ব পাৰে বিষৰ কাৰণ
গৰমৰ তুলনাত শীতকালত মানুহে তেলীয়া আৰু ভজা বস্তু বেছি খায় । যাৰ বাবে খাদ্যাভ্যাসৰ বহু পৰিৱৰ্তন ঘটে । ইয়াৰ ফলত ঋতুস্ৰাবৰ বিষ বৃদ্ধি পাব পাৰে ।
যদি পিৰিয়ডৰ সময়ত অসহ্যকৰ বিষ কমাব বিচাৰে তেন্তে দৈনিক খালী পেটত দালচেনিৰ পানী বা দালচেনি খাব পাৰে । ই অত্যন্ত গৰম আৰু ই শৰীৰক গৰম কৰি ৰখাতো সহায় কৰে ।
কেফেইনৰ ব্যৱহাৰ কম কৰক আৰু স্বাস্থ্যসন্মত খাদ্য গ্ৰহণ কৰক
বেছিভাগ মানুহেই শীতকালত প্ৰচুৰ পৰিমাণে চাহ-কফি খায় । ইয়াৰ ফলত আপোনাৰ মাহেকীয়াৰ সময়ত যথেষ্ট প্ৰভাৱ পৰিব পাৰে আৰু লগতে আপোনাৰ বিষ বৃদ্ধি হ’ব পাৰে । এনে পৰিস্থিতিত বেছিকৈ চাহ-কফি নাখাব ৷ কিন্তু স্বাস্থ্যসন্মত আহাৰ গ্ৰহণ কৰিব লাগে । আপোনাৰ খাদ্য যিমানেই স্বাস্থ্যকৰ হ’ব সিমানেই আপোনাৰ মাহেকীয়া সুস্থ হ’ব ।
সতৰ্কীকৰণ: প্ৰিয় পাঠক, আমাৰ প্ৰতিবেদন পঢ়াৰ বাবে ধন্যবাদ । এই খবৰটো কেৱল আপোনালোকক সজাগ কৰাৰ উদ্দেশ্যে লিখা হৈছে । আমি এই প্ৰতিবেদনত ঘৰুৱা উপায় আৰু সাধাৰণ তথ্যৰ সহায় লৈছো । কিন্তু প্ৰিয় পাঠক, যদি আপুনি যিকোনো বাতৰিতে স্বাস্থ্যৰ সৈতে জড়িত কিবা পঢ়ে, তেন্তে এই পদ্ধতি গ্ৰহণ কৰাৰ আগতে নিশ্চিতভাৱে চিকিৎসকৰ পৰামৰ্শ ল’বলৈ নাপাহৰিব ।
লগতে পঢ়ক: পুৰুষতকৈ বেছি ঠাণ্ডা অনুভৱ কৰে মহিলাই, ইয়াৰ আঁৰত আছে ৩টা ডাঙৰ কাৰণ
