ক’ৰোনা ভাইৰাছৰ সন্ত্ৰাসৰ কথা ভাবিলে আজিও সকলোৰে বুকু কঁপে ৷ আকৌ কৰোনাৰ দৰেই সন্ত্ৰাসৰ বাৰ্তা আনিছে আন এক ভাইৰাছে ৷হয়, এই ভাইৰাছ বিধৰ নাম নিপাহ ভাইৰাছ ৷ ভাৰতৰ বহু ঠাইত ইতিমধ্যে নিপাহ ভাইৰাছে আতংকৰ সৃষ্টি কৰিছে ৷ শেহতীয়াকৈ কেৰালাৰ কোজিকোড অঞ্চলত এই ভাইৰাছৰ ফলত দুজন লোকৰ মৃত্যু হৈছে ৷ এই ভাইৰাছৰ বৰ্ধিত ভাবুকিৰ প্ৰতি লক্ষ্য ৰাখি স্বাস্থ্য বিভাগেও ইতিমধ্যে সতৰ্কতা জাৰি কৰিছে ৷
বিশ্ব স্বাস্থ্য সংস্থাৰ মতে, নিপাহ ভাইৰাছ হৈছে এক জুনোটিক ভাইৰাছ ৷ ই জীৱ-জন্তুৰ জৰিয়তে মানুহলৈ বিয়পে ৷ তদুপৰি, ই খাদ্য আৰু পানীয়ৰ জৰিয়তেও মানুহলৈ বিয়পিব পাৰে ৷ এই ভাইৰাছ প্ৰথমে ১৯৯৯ চনত মালয়েছিয়াৰ চুঙ্গাই নিপাহ নামৰ এখন গাঁৱত আৱিৰ্ভাৱ হৈছিল ৷ সেয়েহে ইয়াক নিপাহ ভাইৰাছ বুলি কোৱা হয় ৷ প্ৰকৃততে, এই ভাইৰাছ কি আৰু শৰীৰত ইয়াৰ লক্ষণবোৰে কিদৰে দেখা দিয়ে, আজি জানো আহক-
নিপাহ ভাইৰাছ কেনেদৰে বিয়পে ?
জীৱ-জন্তু হৈছে এই ভাইৰাছৰ মুখ্য উৎস ৷ বিশেষজ্ঞসকলৰ মতে, এই ভাইৰাছ বাদুলিৰ জৰিয়তে মানুহলৈ বিয়পে ৷ এই ভাইৰাছ গাহৰি, কুকুৰ, মেকুৰী, ঘোঁৰা আৰু ভেড়াৰ পৰাও বিয়পিব পাৰে ৷ আনহাতে, এই ভাইৰাছৰ দ্বাৰা সংক্ৰমিত ব্যক্তিৰ সংস্পৰ্শলৈ আহিলেও নিপাহ ভাইৰাছ বিয়পে ৷
ইয়াৰ লক্ষণসমূহ
নিপাহ ভাইৰাছ বিয়পাৰ পিছত শৰীৰত বহুতো সমস্যা বৃদ্ধি হয় ৷ইয়াৰ ভিতৰত অন্যতম হৈছে এনকেফেলাইটিছ ৷ ইয়াৰ আন লক্ষণসমূহ হৈছে-
- মুৰৰ বিষ
- জ্বৰ
- কাঁহ
- উশাহ লোৱাত অসুবিধা
- বমি
- পেটত বিষ
ইফালে, যদি এই ভাইৰাছৰ ফলত ব্যক্তিজনৰ অৱস্থাৰ অধিক অৱনতি ঘটে, তেন্তে তেওঁ ক'মালৈও যাব পাৰে ৷ এই ভাইৰাছৰ লক্ষণবোৰে ৫-১৪ দিনৰ ভিতৰত শৰীৰত দেখা যায় ৷ কিন্তু কিছুমানৰ ক্ষেত্ৰত ৪৫ দিনৰ পাছতো ইয়াৰ লক্ষণ দেখা যায় ৷
নিজকে কিদৰে সুৰক্ষা দিব ?
নিপাহ ভাইৰাছ ৰোধৰ বাবে এতিয়ালৈ কোনো ঔষধ বা ভেকছিন নাই ৷ কেৱল সাৱধানতা অৱলম্বন কৰিয়েই আপুনি ইয়াৰ পৰা নিজকে সুৰক্ষিত কৰিব পাৰে ৷ এইসমূহ হৈছে-
- বাদুলি আৰু গাহৰিৰ সংস্পৰ্শ পৰিহাৰ কৰিব
- মাটিৰ পৰা বা পোনপটীয়াকৈ গছৰ পৰা চিঙি ফল নাখাব
- মাস্ক পৰিধান কৰিব
- সময়ে সময়ে হাত ধুই থাকিব
- যদি শৰীৰত নিপাহ ভাইৰাছৰ কোনো লক্ষণে দেখা দিয়ে ৷ লগে লগে চিকিৎসকৰ সৈতে যোগাযোগ কৰিব
লগতে পঢ়ক: Nipah Virus : নতুনকৈ নিপাহ পজিটিভ ৰোগী ধৰা পৰা নাই, ৬১ টা নেগেটিভ ফলাফল; কেৰালা চৰকাৰ
Conclusion:
