মাছ শুকুৱাই সংৰক্ষণ কৰাটো এক অতি পুৰণি প্ৰথা । সতেজ মাছ বেছি সময় ৰখাটো সম্ভৱ নহয় । পুৰণি দিনত কোনো ফ্ৰিজ বা অন্যান্য সামগ্ৰী নাছিল । গতিকে যদি মানুহে অধিক মাছ পায়, তেওঁলোকে মাছৰ শৰীৰৰ পৰা অন্ত্ৰ আৰু পানী আঁতৰ কৰি নিমখ দি ৰ'দত শুকুৱাই ৰাখে । এনে কৰিলে শুকান মাছ দুবছৰলৈকে সংৰক্ষিত হৈ থাকে । কিন্তু আপুনি জানেনে এই মাছৰ আছে অনন্য় স্বাস্থ্য উপকাৰিতা ৷ যদি নাজানে তেন্তে এই প্ৰতিবেদনৰ জৰিয়তে জানি লওক...
পুষ্টি: শুকান সৰু মাছত প্ৰচুৰ পৰিমাণে প্ৰ’টিন, ভিটামিন আৰু খনিজ পদাৰ্থ থাকে যিবোৰ আপোনাৰ শৰীৰৰ প্ৰগতিশীল বিকাশ আৰু কাৰ্য্যক্ষমতাৰ বাবে গুৰুত্বপূৰ্ণ ।
কলেষ্টেৰল নিয়ন্ত্ৰণ: শুকান সৰু মাছত ওমেগা-৩ ফেটি এচিড থাকে যিয়ে তেজৰ ছাল আৰু হৃদযন্ত্ৰৰ স্বাস্থ্য উন্নত কৰে আৰু কলেষ্টেৰল নিয়ন্ত্ৰণ কৰে ।
হাড়ৰ বাবে উপকাৰী: শুকান সৰু মাছত কেলচিয়াম, ফছফৰাছ আৰু ভিটামিন ডি থাকে যিয়ে হাড় মজবুত কৰাত সহায় কৰে ।
ওজন নিয়ন্ত্ৰণ: শুকান সৰু মাছত কেলৰি কম আৰু ইয়াত পুষ্টিৰ পৰিমাণ বেছি যিয়ে ওজন নিয়ন্ত্ৰণত সহায় কৰে ।
হজম শক্তি উন্নত কৰে: শুকান সৰু মাছে হজম শক্তি উন্নত কৰাত সহায় কৰে আৰু খাদ্য খোৱাৰ পিছত গেছ, এচিডিটি আৰু পেটৰ সমস্যা হ্ৰাস কৰে ।
উচ্চ ভিটামিন A: শুকান সৰু মাছত ভাল পৰিমাণৰ ভিটামিন A থাকে, যিটো আপোনাৰ ছাল, চুলি আৰু চকুৰ স্বাস্থ্যৰ বাবে উপকাৰী ।
এলঝেইমাৰ ৰোগৰ পৰা সুৰক্ষা দিয়ে: ওমেগা-৩ ফেটি এচিড সেৱন কৰিলে মগজুৰ এলঝেইমাৰৰ দৰে ৰোগৰ বিৰুদ্ধে যুঁজ দিয়াত সহায় কৰে ।
ৰোগ প্ৰতিৰোধ ক্ষমতা শক্তিশালী কৰে: সৰু শুকান মাছত থকা ভিটামিন চি, চেলেনিয়াম আৰু জিংকে আপোনাৰ ৰোগ প্ৰতিৰোধ ক্ষমতা শক্তিশালী কৰে, যিয়ে আপোনাৰ শৰীৰক সংক্ৰমণৰ বিৰুদ্ধে যুঁজ দিয়াৰ ক্ষমতা প্ৰদান কৰে ।
আভ্যন্তৰীণ প্ৰদাহ হ্ৰাস কৰে: শুকান সৰু মাছত থকা এন্টিঅক্সিডেন্টসমূহে আপোনাৰ শৰীৰৰ আভ্যন্তৰীণ প্ৰদাহ হ্ৰাস কৰে যিয়ে ৰোগৰ পৰা ৰক্ষা কৰে ।
মগজুৰ স্বাস্থ্য উন্নত কৰা: ওমেগা-৩ ফেটি এচিড আৰু প্ৰ’টিনে মগজুৰ বিকাশ আৰু স্বাস্থ্য উন্নত কৰাত সহায় কৰে আৰু স্মৃতিশক্তি উন্নত কৰে ।
লগতে পঢ়ক: Potato Benefits: আলুৰ আছে অবিশ্বাস্য উপকাৰিতা, যিয়ে আপোনাক কৰি তুলিব আচৰিত
